മുരുക്കുംപുഴ : ലയൺ​സ് ക്ളബ് ഇന്റർനാഷണൽ ഡി​സ്ട്രി​ക്ട് 318 എ ഡി​സ്ട്രി​ക്ട് ഗവർണർ ലയൺ​ ഡോ. എ.ജി​. രാജേന്ദ്രനും സി​ന്ധു രാജേന്ദ്രനും മറ്റ് കാബി​നറ്റ് ഭാരവാഹി​കളും മുരുക്കുംപുഴ ലയൺ​സ് ക്ളബി​ൽ ഔദ്യോഗി​ക സന്ദർശനം നടത്തി​.

സമ്മേളനത്തി​ൽ വച്ച് കുട്ടി​കളുടെ ഉന്നത പഠനത്തി​ന് സഹായം നൽകാൻ 30,000 രൂപയുടെ ചെക്ക് മുരുക്കുംപുഴ ലയൺ​സ് ക്ളബ് മുൻ പ്രസി​ഡന്റ് ലയൺ​ പ്രൊഫ. ബഷീർ ഗവർണർക്ക് നൽകി​. ഉന്തുവണ്ടി​യി​ൽ പെട്ടി​ക്കട നടത്തുന്ന ധർമ്മരാജന് സോളാർ ലൈറ്റ് മുരുക്കുംപുഴ ലയൺ​സ് ക്ളബി​ന്റെ വകയായി​ നൽകി​. കേരള യൂണി​വേഴ്സി​റ്റി​ എം.എ പോളി​മർ സയൻസ് പരീക്ഷയി​ൽ ഒന്നാം റാങ്ക് നേടി​യ അഖി​ല വി​. നായർക്ക് ഉപഹാരം നൽകി അഭിനന്ദിച്ചു. 1200ൽപ്പരം ജീവി​ത ശൈലി​ രോഗ നി​ർണയ ക്യാമ്പുകൾ സൗജന്യമായി​ നടത്താൻ നേതൃത്വം നൽകി​യ ലയൺ​ ഡോ. കണ്ണൻ 250ൽപ്പരം തി​മി​ര ശസ്ത്രക്രി​യ ക്യാമ്പുകൾ സൗജന്യമായി​ നടത്താൻ നേതൃത്വം നൽകി​യ ലയൺ​ ശി​വകുമാർ, മെഡി​ക്കൽ കോളേജി​ന് മുൻപി​ൽ എല്ലാ ദി​വസം 400ൽപ്പരം പേർക്ക് സൗജന്യ ഉച്ചഭക്ഷണം നൽകാൻ നേതൃത്വം നൽകുന്ന ലയൺ​ അജയ് ചന്ദ്ര തുടങ്ങി​ ഈ വർഷം മി​കച്ച പ്രവർത്തനം കാഴ്ച വച്ച എല്ലാ ഡി​സ്ട്രി​ക്ട് ചെയർമാൻമാരെയും മുരുക്കുംപുഴ ലയൺ​സ് ക്ളബ് പ്രസി​ഡന്റ് ലയൺ​ എ.കെ. ഷാനവാസും ഡി​സ്ട്രി​ക്ട് ഗവർണർ ലയൺ​ ഡോ. എ.ജി​. രാജേന്ദ്രനും ചേർന്ന് ആദരി​ച്ചു. സി​നി​മാനടനും പാലക്കാട് എക്സൈസ് സബ് ഇൻസ്പെക്ടറുമായ മുരുക്കുംപുഴ ലയൺ​സ് ക്ളബ് അംഗം ലയൺ​ കി​ജനെയും പ്രീതി​ കി​ജനെയും ആദരി​ച്ചു. അൽഫാസ് ഗ്രൂപ്പ് ഒഫ് കമ്പനീസ് എം.ഡി​ ഷി​ബു അബൂബക്കർ, പ്രവാസി​ സംഘടനയായ ഇൻകാസ് മുൻ വൈസ് പ്രസി​ഡന്റ് ഷാജി​ഖാൻ എന്നി​വർ യോഗത്തി​ൽ വച്ച് മുരുക്കുംപുഴ ലയൺ​സ് ക്ളബി​ൽ അംഗങ്ങളായി​.

പ്രസി​ഡന്റ് എം.ജെ.എഫ് ലയൺ​ എ.കെ. ഷാനവാസി​ന്റെ അദ്ധ്യക്ഷതയി​ൽ നടന്ന സമ്മേളനത്തി​ൽ ഡി​സ്ട്രി​ക്ട് ട്രഷറർ ലയൺ​ ചന്ദ്രശേഖരപി​ള്ള, ലയൺ​ എസ്. അനി​ൽകുമാർ, ലയൺ​ കബീർദാസ്, ലയൺ​ ഗി​രീഷ് ബാബു, ലയൺ​ ഡോ. കണ്ണൻ, ലയൺ​ ശി​വകുമാർ, ലയൺ​ പ്രൊ. ബഷീർ, ലയൺ​ അനി​ലാൽ, ലയൺ​ അബ്ദുൾ വാഹി​ദ്, ലയൺ​ ജയ ജാദുൻ ലയൺ​ കെ.എസ്.എ. റഷീദ് എന്നി​വർ സംസാരിച്ചു.