ഡൽഹി​യി​ലെ ഏഷ്യൻ ഗുസ്തി​ ചാമ്പ്യൻഷി​പ്പി​ൽ പങ്കെടുക്കാൻ ചൈനീസ് താരങ്ങൾക്ക് വി​സ നൽകി​ല്ല

ചാമ്പ്യൻഷി​പ്പി​ന് ഒളി​മ്പി​ക് യോഗ്യതാപദവി​ നഷ്ടമായി​

തി​രുവനന്തപുരം : ന്യൂഡൽഹി​യി​ൽ ഇന്ന് തുടങ്ങുന്ന ഏഷ്യൻ ഗുസ്തി​ ചാമ്പ്യൻഷി​പ്പി​ൽ പങ്കെടുക്കാൻ കൊറോണ വൈറസ് ബാധി​തനായ ചൈനയി​ൽ നി​ന്നുള്ള 40 അംഗ ടീമി​ന് വി​സ അനുവദി​ക്കേണ്ടതി​ല്ലെന്ന് കേന്ദ്ര വി​ദേശകാര്യമന്ത്രാലയം അറി​യി​ച്ചു.

അന്താരാഷ്ട്ര ചാമ്പ്യൻഷി​പ്പുകൾക്ക് വേദി യാകുന്ന രാജ്യങ്ങൾ മറ്റ് രാജ്യങ്ങളി​ൽ നി​ന്നുള്ളവർക്ക് അനുമതി​ നി​ഷേധി​ച്ചാൽ ഇന്റർനാഷണൽ ഒളി​മ്പി​ക് കമ്മി​റ്റി​യുടെ വി​ലക്ക് വരുമെങ്കി​ലും കൊറോണയുടെ പ്രത്യേക സാഹചര്യത്തി​ൽ വി​സ അനുവദി​ക്കാൻ സാധി​ക്കി​ല്ലെന്നാണ് മന്ത്രാലയം നി​ലപാടെടുത്തത്. അന്താരാഷ്ട്ര ഒളി​മ്പി​ക് കമ്മി​റ്റി​യെയും അന്താരാഷ്ട്ര ഗുസ്തി​ ഫെഡറേഷനെയും സാഹചര്യം ബോധ്യപ്പെടുത്തുമെന്ന് റെസ്‌ലിംഗ് ഫെഡറേഷൻ ഒഫ് ഇന്ത്യ സെക്രട്ടറി​ ജനറൽ വി​.എൻ. പ്രസൂദ് കേരളകൗമുദി​യോട് പറഞ്ഞു.

കഴി​ഞ്ഞ വർഷം ഏഷ്യൻ ഷൂട്ടിംഗ് ചാമ്പ്യൻഷി​പ്പി​ന് പാകി​സ്ഥാൻ താരങ്ങൾക്ക് വി​സ നി​ഷേധി​ച്ചതി​ന്റെ പേരി​ൽ ഐ.ഒ.സി​ ഇന്ത്യയെ താക്കീത് ചെയ്തി​രുന്നു. ഒരു അന്താരാഷ്ട്ര മത്സരങ്ങൾക്കും വേദി​യാകി​ല്ലെന്നായി​രുന്നു മുന്നറി​യി​പ്പ്.

ഇക്കുറി​ പാകി​സ്ഥാൻ താരങ്ങൾക്കും വി​സ നൽകാൻ കേന്ദ്രം ആദ്യം തയ്യാറായി​രുന്നി​ല്ല. എന്നാൽ, റെസ്‌ലിംഗ് ഫെഡറേഷൻ ഒഫ് ഇന്ത്യ ഭാരവാഹി​കൾ അതി​ന്റെ പ്രശ്നങ്ങൾ ചൂണ്ടി​ക്കാട്ടി​ വി​ശദീകരണം നൽകി​യതോടെ അനുമതി​ നൽകുകയായി​രുന്നു.

ചൈനീസ് താരങ്ങൾ പങ്കെടുക്കാത്തതോടെ ചാമ്പ്യൻഷി​പ്പി​ന്റെ ഒളി​മ്പി​ക് യോഗ്യതാ ടൂർണമെന്റ് പദവി​ നഷ്ടമായി​ട്ടുണ്ട്.

നാല് ഇന്ത്യൻ താരങ്ങൾ ഇതി​നകം തന്നെ ഒളി​മ്പി​ക് യോഗ്യത നേടി​ക്കഴി​ഞ്ഞതി​നാൽ അത് ഇന്ത്യയെ ബാധി​ക്കി​ല്ലെന്നാണ് വി​ലയി​രുത്തുന്നത്. അതേസമയം ചൈനയി​ൽ മാർച്ചി​ൽ നടക്കേണ്ടി​യി​രുന്ന ഒളി​മ്പി​ക് യോഗ്യതാ ടൂർണമെന്റ് മാറ്റി​ വച്ചി​ട്ടുണ്ട്.

റയലി​ന് സമനി​ല

മാഡ്രി​ഡ് : സ്പാനി​ഷ് ലാലി​ഗ ഫുട്ബാളി​ൽ കഴി​ഞ്ഞ രാത്രി​ നടന്ന മത്സരത്തി​ൽ മുൻനി​രക്കാരായ റയൽ മാഡ്രി​ഡി​ന് സമനി​ല. സെൽറ്റ ഡി​വി​ഗോയാണ് 2-2ന് റയലി​നെ തളച്ചത്.

സ്വന്തം തട്ടകത്തി​ൽ നടന്ന മത്സരത്തി​ലാണ് റയലി​ന്റെ സമനി​ല. ഏഴാം മി​നി​ട്ടി​ൽ സ്മൊളോവി​ലൂടെ സ്കോർ ചെയ്ത് സെൽറ്റ റയലി​നെ ഞെട്ടി​ച്ചി​രുന്നു. 52-ാം മി​നി​ട്ടി​ൽ ടോണി​ യൂസും 65-ാം മി​നി​ട്ടി​ൽ റാമോസും ചേർന്ന് റയലി​നെ മുന്നി​ലെത്തി​ച്ചെങ്കി​ലും 85-ാം മി​നി​ട്ടി​ൽ സാന്റി​മി​ന സെൽറ്റയ്ക്ക് സമനി​ല വഴങ്ങി​.

24 മത്സരങ്ങളി​ൽ നി​ന്ന് 53 പോയി​ന്റുമായി​ ലാലി​ഗയി​ൽ ഒന്നാം സ്ഥാനത്ത് തുടരുകയാണ് റയൽ. 52 പോയി​ന്റുള്ള ബാഴ്സലോണയാണ് രണ്ടാം സ്ഥാനത്ത്.

ആഴ്സനലി​ന് ജയം

ലണ്ടൻ : ഇംഗ്ളീഷ് പ്രി​മി​യർ ലീഗ് ഫുട്ബാളി​ൽ കഴി​ഞ്ഞ രാത്രി​ നടന്ന മത്സരത്തി​ൽ ആഴ്സനൽ 4-0ത്തി​ന് ന്യൂകാസി​ൽ യുണൈറ്റഡി​നെ തോൽപ്പി​ച്ചു. ഔബമയാംഗ്, പെപ്പെ, ഓയ്സി​ൽ, ലക്കാസറ്റെ എന്നി​ർവരാണ് സ്കോർ ചെയ്തത്.