കഴക്കൂട്ടം: കഴക്കൂട്ടം തമ്പുരാൻ മുക്കിനു സമീപം ബൈക്കുകൾ കൂട്ടിയിടിച്ച് ടെക്നോപാർക്ക് ജീവനക്കാരനായ കൈതമുക്ക് ശീവേലി നഗർ സ്വദേശി ഷെജു ഗോപു (30) മരിച്ചു. കഴിഞ്ഞ ദിവസം വൈകിട്ടാണ് ഇൻഫോസിസിന് എതിർവശത്തുള്ള ഇടവഴിയിൽ ബൈക്കുകൾ കൂട്ടിയിടിച്ചത്. ബൈക്കിൽ നിന്ന് തെറിച്ച് വീഴുന്നതിനിടെ തല സമീപത്തെ ഓടയുടെ വക്കിൽ ഇടിക്കുകയായിരുന്നു. ടെക്നോപാർക്കിലെ ഷെൽ സ്ക്വയർ കമ്പനിയിലെ ടെക്നിക്കൽ ലീഡർ ആയിരുന്നു ഷെജു. അവിവാഹിതനാണ്.