തിരുവനന്തപുരം: അവിനാശി വാഹനാപകടത്തിന്റെ പശ്ചാത്തലത്തിൽ ട്രാഫിക് നിയ​മ​ങ്ങൾ കർശ​ന​മായി പാലി​ക്കു​ന്നു​ണ്ടെന്ന് ഉറ​പ്പാക്കാൻ ജില്ലാതലത്തിൽ ഡിവൈ.എസ്.പിമാരുടെ നേതൃത്വത്തിൽ നാലുദിവസത്തിനുള്ളിൽ എൻഫോ​ഴ്സ്‌മെന്റ് സ്‌ക്വാഡ് രൂപീ​ക​രി​ക്കും. ഇതുസംബന്ധിച്ച ഉത്തരവ് സംസ്ഥാന പൊലീസ് മേധാവി ലോക്നാഥ് ബെഹ്റ പുറത്തിറക്കി.
ചീറ്റ പട്രോ​ളിംഗ് സംഘം നില​വി​ലുള്ള സ്ഥല​ങ്ങ​ളിൽ അവ​യുടെ സേവ​നവും ഇതി​നായി ഉപ​യോ​ഗി​ക്കാം. അമിത വേഗം, മദ്യ​പി​ച്ചുള്ള ഡ്രൈവിം​ഗ്, അപ​ക​ട​ക​ര​മായ രീതി​യിൽ വണ്ടിയോടി​ക്കൽ എന്നിവ കണ്ടെത്തി തട​യു​ന്ന​തിന് ഹൈവേ പൊലീസ് നിതാന്ത ജാഗ്രത പുലർത്ത​ണം. പൊതു​ജ​ന​ത്തിനും യാത്ര​ക്കാർക്കും തടസമുണ്ടാക്കുന്ന രീതി​യിൽ വശ​ങ്ങ​ളിൽ വാഹ​ന​ങ്ങൾ പാർക്കു ചെയ്യു​ന്നത് നിരു​ത്സാ​ഹ​പ്പെ​ടു​ത്ത​ണം. എന്നാൽ യാത്ര​ക്കാർക്ക് ബുദ്ധി​മുട്ട് ഉണ്ടാ​കുന്ന തര​ത്തിൽ അനാ​വ​ശ്യ​മായി വാഹ​ന​ങ്ങൾ തട​ഞ്ഞ് പരി​ശോ​ധി​ക്കു​ന്നത് ഒഴി​വാ​ക്ക​ണ​മെന്ന് പ്രത്യേക നിർദ്ദേശമുണ്ട്.