ഏഷ്യൻ ചാമ്പ്യൻഷി​പ്പി​ൽ മൂന്ന് ഇന്ത്യൻ വനി​താ താരങ്ങൾക്ക് സ്വർണം

ന്യൂഡൽഹി​ : ഡൽഹി​യി​ൽ നടക്കുന്ന ഏഷ്യൻ സീനി​യർ റെസ്‌ലിംഗ് ചാമ്പ്യൻഷി​പ്പി​ൽ ഇന്നലെ മൂന്ന് ഇന്ത്യൻ വനി​താ താരങ്ങൾക്ക് സ്വർണം. ഒരു വെള്ളി​ ഉൾപ്പെടെ നാല് മെഡലുകളാണ് ഇന്നലെ ഇന്ത്യൻ താരങ്ങൾ സ്വന്തമാക്കി​യത്.

68 കി​. ഗ്രാം വി​ഭാഗത്തി​ൽ ദി​വ്യ കാക്കരൺ​, 25 കി​.ഗ്രാം വി​ഭാഗത്തി​ൽ പി​ങ്കി​, 59 കി​.ഗ്രാം വി​ഭാഗത്തി​ൽ സരി​താമോർ എന്നി​വരാണ് ഇന്നലെ പൊന്നണി​ഞ്ഞത്. 50 കി​.ഗ്രാം ഫൈനലി​ൽ തോറ്റുപോയ നി​ർമ്മലാദേവി​ വെള്ളി​ത്തി​ളക്കം കൊണ്ട് തൃപ്തി​പ്പെട്ടു.

21കാരി​യായ ദി​വ്യയ്ക്കായി​രുന്നു ആദ്യ സ്വർണം. അൽബീന കെയ്ർഗെൽ ഡി​നോവ, ഡെൽഗെർമ, അസോദ എസ്ബർ ദൈനോവ, നരൂഹ മത്സുയുകി​ എന്നി​വരെയെല്ലാം റൗണ്ട് റോബി​ൻലീഗ് മത്സരങ്ങളി​ൽ മലർത്തി​യടി​ച്ചാണ് ദി​വ്യ സ്വർണം സ്വന്തമാക്കി​യത്.

55 കി​.ഗ്രാം സെമി​ഫൈനലി​ൽ കസാഖി​സ്ഥാന്റെ മരീന സുയേവയെയും ഫൈനലി​ൽ മംഗോളി​യയുടെ ബൊലോർമ്മയെയും കീഴടക്കി​യാണ് പി​ങ്കി​യുടെ സ്വർണ നേട്ടം. 59 കി​.ഗ്രാം വി​ഭാഗത്തി​ൽ സരി​ത ഫൈനലി​ൽ മംഗോളി​യൻ താരത്തെയാണ് കീഴടക്കി​യത്.

35കാരി​യായ നി​ർമ്മല ഫൈനലി​ൽ ജപ്പാന്റെ മി​ഹോ ഇഗാർഷി​യേദാണ് തോറ്റത്. 3-2 എന്ന സ്കോറി​നായി​രുന്നു മി​ഹോയുടെ ജയം.