ചിറയിൻകീഴ്:മന്നത്ത് പത്മനാഭന്റെ 50-ാം ചരമവാ‌ർഷികം ചിറയിൻകീഴ് ആൽത്തറമൂട് നാട്ടുവാരം എൻ.എസ്.എസ് കരയോഗം വിവിധ ചടങ്ങുകളോടെ ആചരിച്ചു.കരയോഗമന്ദിരത്തിൽ സജ്ജീകരിച്ച സ്‌മൃതി മണ്ഡപത്തിൽ കരയോഗം പ്രസിഡന്റ്‌ എം.ഭാസ്കരൻ നായർ ആചാര്യ പ്രതിമയ്ക്ക് മുന്നിൽ നിലവിളക്കു തെളിയിച്ച് അനുസ്‌മരണ പ്രഭാഷണം നടത്തി.വനിതാ സമാജം പ്രസിഡന്റ്‌ എം.എസ്.വസന്ത കുമാരി അദ്ധ്യക്ഷത വഹിച്ചു.കരയോഗം സെക്രട്ടറിയും എൻ.എസ്.എസ് ചിറയിൻകീഴ് മേഖലാ കൺവീനറുമായ പാലവിള സുരേഷ് ആചാര്യ സന്ദേശം നൽകി.കരയോഗം ട്രഷറർ ജെ.രഘു കുമാർ,ഭരണസമിതി അംഗങ്ങളായ കെ.ജെ.നന്ദകുമാർ,ജെ.പത്‌മനാഭ പിള്ള,ജെ.സുന്ദരേശൻ പിള്ള,അംബു ശ്രീമന്ദിരം,വനിതാ സമാജം സെക്രട്ടറി രാധാമണി അമ്മ,രമാദേവി അമ്മ,കരയോഗ അംഗങ്ങൾ,വനിതാ സമാജ അംഗങ്ങൾ,എൻ.എസ്.എസ് ധനശ്രീ വനിതാ സ്വയം സഹായ അംഗങ്ങൾ,ബാലസമാജ അംഗങ്ങൾ തുടങ്ങിയവർ പങ്കെടുത്തു.ആചാര്യ പ്രതിമയിൽ പുഷ്പാർച്ചന,വനിതാ സമാജത്തിന്റെ രാമായണ പാരായണം,നാരായണീയ പാരായണം,ഭക്തി ഗാനാലാപനം എന്നിവ നടന്നു.