ഹരിപ്പാട്‌: ഡൽഹി കലാപത്തിൽ പ്രതിഷേധിച്ച് എ.ഐ.വൈ.എഫ് മണ്ഡലം കമ്മിറ്റിയുടെ നേതൃത്വത്തിൽ പ്രകടനവും യോഗവും നടത്തി. സി.പി.ഐ ഓഫിസിൽ നിന്ന് ആരംഭിച്ച പ്രകടനം നഗരം ചുറ്റി കച്ചേരി ജംഗ്ഷനിൽ സമാപിച്ചു. പ്രതിഷേധയോഗം മണ്ഡലം സെക്രട്ടറി അനന്ദു ബാബു ഉദ്ഘാടനം ചെയ്തു. പ്രസിഡൻ്റ് സുഭാഷ് പിള്ളക്കടവ് അദ്ധ്യക്ഷനായി. വി.എം പ്രമോദ്, ജി.സിനു, ശ്രദ്ധ രാജേഷ്, സാജൻ പി കോശി തുടങ്ങിയവർ സംസാരിച്ചു. പ്രകടനത്തിന് സുമേഷ്, എൽ.മൻസൂർ, പ്രജിത്ത്, സനൽ തുടങ്ങിയവർ നേതൃത്വം നൽകി.