അമ്പലപ്പുഴ: സ്നേഹപൂർവം ജീവകാരുണ്യ സൗഹൃദ സമിതിയുടെ ആഭിമുഖ്യത്തിൽ വൃക്കരോഗ നിർണ്ണയ ക്യാമ്പും, ബ്ലഡ് ഡോണേഴ്സ് ഫോറം രൂപീകരണവും സംഘടിപ്പിച്ചു. പുന്നപ്ര സ്നേഹപൂർവം ജനകീയ മെഡിക്കൽസിൽ സംഘടിപ്പിച്ച ക്യാമ്പ് മെഡിക്കൽ കോളേജ് ആശുപത്രി സൂപ്രണ്ട് ഡോ.ആർ.വി.രാംലാൽ ഉദ്ഘാടനം ചെയ്തു. സ്നേഹപൂർവം സംഘടന പ്രസിഡന്റ് ഹസൻ എം. പൈങ്ങാമഠം അദ്ധ്യക്ഷത വഹിച്ചു.. ബ്ലഡ് ഡോണേഴ്സ് ഫോറത്തിന്റെ പ്രഖ്യാപനം സാമൂഹ്യ പ്രവർത്തകൻ കമാൽ എം.മാക്കിയിൽ നിർവഹിച്ചു. എസ്. പ്രഭുകുമാർ, ഷാജി ഗ്രാമദീപം, ഓമന കലാധരൻ, ഷിജിമോൻ ജമാൽ, ആർ. ത്യാഗരാജൻ, റജീന നസീർ, കെ.ചന്ദ്രബാബു, കെ.മണിലാൽ എന്നിവർ പ്രസംഗിച്ചു.