ആലപ്പുഴ: എ.എ.വൈ വിഭാഗത്തിൽപ്പെട്ടവർക്ക് ഈ മാസം കാർഡിന് 30 കിലോഗ്രാം അരിയും അഞ്ച് കിലോഗ്രാം ഗോതമ്പും സൗജന്യമായും ഒരു കിലോഗ്രാം പഞ്ചസാര 21 രൂപ നിരക്കിലും ലഭിക്കും. മുൻഗണനാ വിഭാഗത്തിൽപ്പെട്ട കാർഡുകളിലെ ഓരോ അംഗത്തിനും നാലു കിലോ അരിയും ഒരു കിലോ ഗോതമ്പും കിലോയ്ക്ക് രണ്ടു രൂപ നിരക്കിൽ ലഭിക്കും.

പൊതുവിഭാഗം സബ്സിഡി വിഭാഗത്തിൽപ്പെട്ടവർക്ക് കിലോയ്ക്ക് നാലു രൂപ നിരക്കിൽ ഓരോ അംഗത്തിനും രണ്ടു കിലോ അരിയും കാർഡൊന്നിന് കിലോയ്ക്ക് 17 രൂപ നിരക്കിൽ രണ്ടു കിലോ ആട്ടയും ലഭിക്കും. പൊതുവിഭാഗം: രണ്ടു കിലോ അരി കിലോയ്ക്ക് 10.90 രൂപ നിരക്കിലും കിലോയ്ക്ക് 17 രൂപ നിരക്കിൽ രണ്ടു കിലോ ആട്ടയും. എ.എ.വൈ, മുൻഗണന എന്നീ വിഭാഗങ്ങളിലെ വൈദ്യുതീകരിക്കാത്ത വീടുളള കുടുംബങ്ങൾക്ക് 4 ലി​റ്റർ മണ്ണെണ്ണയും വൈദ്യുതീകരിച്ച വീടുളള കാർഡുകൾക്ക് 1/2 ലി​റ്റർ മണ്ണെണ്ണയും 40 രൂപ നിരക്കിൽ ലഭിക്കും.ഇതു സംബന്ധിച്ച് പൊതുജനങ്ങൾക്ക് എന്തെങ്കിലും സംശയവും പരാതികളും ഉണ്ടെങ്കിൽ താഴെപ്പറയുന്ന നമ്പരുകളിൽ ബന്ധപ്പെടാം. താലൂക്ക് സപ്ലൈ ഓഫീസ്, ചേർത്തല:04782823058, അമ്പലപ്പുഴ :04772252547, കുട്ടനാട് :04772702352, കാർത്തികപ്പളളി: 04792412751, മാവേലിക്കര :04792303231 ചെങ്ങന്നൂർ :04792452276 ജില്ലാ സപ്ലൈ ഓഫീസ്, ആലപ്പുഴ 04772251674.