ചേർത്തല: നഗരസഭയുടെ ആഭിമുഖ്യത്തിൽ 2020-21 വാർഷിക പദ്ധതിയുടെ ഭാഗമായി ഏകദിന വികസന സെമിനാർ സംഘടിപ്പിച്ചു. രാജീവ് ഗാന്ധി ടൗൺഹാളിൽ നടന്ന സെമിനാർ ചേർത്തല ജുഡീഷ്യൽ ഫസ്റ്റ് ക്ലാസ് മജിസ്‌ട്രേറ്റ് ലീന റഷീദ് ഉദ്ഘാടനം ചെയ്തു.മുനിസിപ്പൽ ചെയർമാൻ വി.ടി ജോസഫ് അദ്ധ്യക്ഷത വഹിച്ചു. വൈസ് ചെർപേഴ്‌സൺ ശ്രീലേഖ നായർ,സിന്ധു ബൈജു,സി.കെ.ഉണ്ണിക്കൃഷ്ണൻ,എൻ.ലീന,ബി.ഭാസി,എൻ.ആർ.ബാബുരാജ്,പി.ജ്യോതിമോൾ, അഡ്വ.കെ.സി രമേശൻ എന്നിവർ സംസാരിച്ചു. വികസനകാര്യ സ്റ്റാൻഡിംഗ് കമ്മിറ്റി ചെയർമാൻ അഡ്വ.സി.ഡി.ശങ്കർ സ്വാഗതവും സെക്രട്ടറി എൻ.കെ.കൃഷ്ണകുമാർ നന്ദിയും പറഞ്ഞു.