ആലപ്പുഴ:അന്താരാഷ്ട്ര വനിതാ ദിനാചരണത്തോടനുബന്ധിച്ച് സംസ്ഥാന വനിതാ ശിശു വികസന വകുപ്പും കേന്ദ്രവാർത്താവിതരണ പ്രക്ഷേപണ മന്ത്റാലയത്തിന് കീഴിലുള്ള ഫീൽഡ് ഔട്ട്റീച്ച് ബ്യൂറോ എറണാകുളവും സംയുക്തമായി സംഘടിപ്പിക്കുന്ന ജില്ലാതല പരിപാടി ഇന്ന് ആലപ്പുഴ ഗവ.ഗേൾസ് ഹൈസ്‌കൂൾ ഓഡി​റ്റോറിയത്തിൽ നടക്കും.

രാവിലെ 9.30 ന് വനിതാദിന സന്ദേശറാലിയോടെ പരിപാടിക്ക് തുടക്കമാകും.തുടർന്ന് എ. എം. ആരിഫ് എം.പി.ഉദ്ഘാടനം നിർവ്വഹിക്കും. ജില്ലാ പഞ്ചായത്ത് പ്രസിഡന്റ് ജി.വേണുഗോപാൽ അധ്യക്ഷത വഹിക്കും. ജില്ല കളക്ടർ എം. അഞ്ജന വനിതാ ദിന സന്ദേശം നൽകും.