ഹരിപ്പാട്: എസ്.എൻ.ഡി.പി യോഗം 994ാം നമ്പർ മുട്ടം ശാഖയുടെയും മുട്ടം ശ്രീരാമകൃഷ്ണാശ്രമത്തിന്റെയും സംയുക്താഭിമുഖ്യത്തിൽ സഹോദരൻ അയ്യപ്പന്റെ 52ാമത് ചരമവാർഷികാചരണം 8ന് നടക്കും. രാവിലെ 10ന് ഛായാചിത്രത്തിൽ മാലചാർത്തൽ, പുഷ്പാർച്ചന. 11ന് അനുസ്മരണ സമ്മേളനം മുട്ടം ബാബു ഉദ്ഘാടനം ചെയ്യും. പ്രസിഡന്റ് ബി.നടരാജൻ അദ്ധ്യക്ഷനാകും. സ്വാമി സുഖാകാശ സരസ്വതി അനുഗ്രഹ പ്രഭാഷണം നടത്തും. യൂണിയൻ കൗൺസിലർ ബി.രഘുനാഥൻ, മഹിളാമണി എന്നിവർ അനുസ്മരണ പ്രഭാഷണം നടത്തും. കൺവീനർ വി.നന്ദകുമാർ സ്വാഗതവും ഇ.വി ജീനചന്ദ്രൻ നന്ദിയും പറയും.