മാവേലിക്കര : ഗുരുധർമ്മ പ്രചാരണസഭ മാവേലിക്കര മണ്ഡലം കമ്മിറ്റിയുടേയും മാതൃസഭ മണ്ഡലം കമ്മിറ്റിയുടേയും ആഭിമുഖ്യത്തിൽ നടത്തുന്ന ധർമ്മമീമാംസാ പരിഷത്ത് ഇന്ന് റെയിൽവേ ജംഗ്ഷനിലുള്ള സ്നൈറ്റ് ഐ.റ്റി.സി ആഡിറ്റോറിയത്തിൽ നടക്കും. രാവിലെ 9ന് സ്നൈറ്റ് ഐ.റ്റി.സി പ്രിൻസിപ്പൽ ബ്രഹ്മദാസ് പതാക ഉയർത്തും. ഗുരുധർമ്മ പ്രചാരണസഭ രജിസ്ട്രാർ റ്റി.വി.രാജേന്ദ്രൻ ഉദ്ഘാടനം നിർവ്വഹിക്കും. ഗുരുധർമ്മ പ്രചാരണസഭ മാവേലിക്കര മണ്ഡലം പ്രസിഡന്റ് പ്രസാദ് വള്ളികുന്നം അദ്ധ്യക്ഷനാകും.സഭ ജില്ലാ പ്രസിഡന്റ് ആർ.സുകുമാരൻ മുഖ്യപ്രഭാഷണം നടത്തും. സെക്രട്ടറി വി.വി. ശിവപ്രസാദ് സംഘടനാ സന്ദേശം നൽകും. രേവമ്മ സുകുമാരൻ, മുകുന്ദൻ, എം.രവീന്ദ്രൻ, ഡി.ഭാർഗവൻ തുടങ്ങിയവർ സംസാരിക്കും. സഭ മണ്ഡലം സെക്രട്ടറി ശിവൻ മലയിൽ സ്വാഗതവും മണ്ഡലം വൈസ് പ്രസിഡന്റ് കെ.പി മുരളീധരൻ നന്ദിയും പറയും. 11ന് പഠനക്ലാസ്. വിശ്വഗാജിമഠം സെക്രട്ടറി സ്വാമി അസ്പർശാനന്ദ ജനനീനവരത്നമഞ്ജരി എന്ന വിഷയത്തിൽ ക്ലാസ്സ് എടുക്കും. ഉച്ചയ്ക്ക് 2മുതൽ മാവേലിക്കര മണ്ഡലം ഗുരുധർമ്മ പ്രചാരണസഭ അംഗങ്ങളുടെ കുടുംബസംഗമം. തുടർന്ന് ഗുരുദേവകൃതികളുടെ ആലാപന മത്സരം നടക്കും.