ചേർത്തല/പൂച്ചാക്കൽ : പൂച്ചാക്കലിൽ നാല് സ്കൂൾ വിദ്യാർത്ഥിനികൾ ഉൾപ്പെടെ ആറ് പേരെ ഇടിച്ചു തെറിപ്പിച്ച കെ.എൽ 32 ഡി 8268 നമ്പർ കാറിന്റെ ഫിറ്റ്നസ് സർട്ടിഫിക്കറ്റ് റദ്ദാക്കിയതായി മോട്ടോർ വാഹന വകുപ്പ് അറിയിച്ചു.സംഭവസ്ഥലം സന്ദർശിച്ച ഉദ്യോഗസ്ഥ സംഘം നാട്ടുകാരിൽ നിന്നും മറ്റും വിവരം ശേഖരിച്ചു. ഡ്രൈവർ മദ്യലഹരിയിലായിരുന്നു വാഹനമോടിച്ചതെന്നാണ് അറിയാൻ കഴിഞ്ഞതെന്ന് ജോയിന്റ് ആർ.ടി.ഒ ഡി.ജയരാജ് പറഞ്ഞു. കാറോടിച്ചതെന്ന് സംശയിക്കുന്ന അസാം സ്വദേശിക്ക് ലൈസൻസ് ഉണ്ടോയെന്ന് പരിശോധിച്ചുവരികയാണ്.

പൂ​ച്ചാ​ക്ക​ൽ​ ​പ​ള്ളി​വെ​ളി​ ​ക​വ​ല​യ്ക്ക് ​കി​ഴ​ക്കു​വ​ശം​ ​ചൊവ്വാഴ്ച ​ഉ​ച്ച​യ്ക്ക് 1.30​ ​നാ​ണ് പൂച്ചാക്കൽ ​ഇ​ട​വ​ഴി​ക്ക​ൽ മനോജും അസാം സ്വദേശിയായ അസ്ലം എന്നു വിളിക്കുന്ന ആനന്ദ് മുഡോയും സഞ്ചരിച്ച കാർ ​പ്ള​സ് ​ടു​ ​പ​രീ​ക്ഷ​ ​ക​ഴി​ഞ്ഞ് ​വീ​ട്ടി​ലേ​ക്കു​ ​മ​ട​ങ്ങു​ക​യാ​യി​രു​ന്ന​ ​നാ​ലു​ ​വി​ദ്യാ​ർ​ത്ഥി​നി​ക​ൾ​ ​അ​ട​ക്കം​ ​ആ​റു​ ​പേ​രെ​ ​​ ​ഇ​ടി​ച്ചു​തെ​റി​പ്പി​ച്ചത്.​ ​

​വി​ദ്യാ​ർ​ത്ഥി​നി​ക​ളാ​യ​ ​ത​ളി​യാ​പ​റ​മ്പ് ​ഉ​രു​വ​ങ്കു​ള​ത്ത് ​ച​ന്ദ്ര​ന്റെ​ ​മ​ക​ൾ​ ​അ​ന​ഘ​ ​(17​),​ ​പാ​ണാ​വ​ള്ളി​ ​അ​യ്യ​ങ്കേ​രി​ ​സാ​ബു​വി​ന്റെ​ ​മ​ക​ൾ​ ​സാ​ഗി​ ​സാ​ബു​ ​(17​),​ ​നാ​ൽ​പ്പ​ത്തെ​ണ്ണീ​ശ്വ​രം​ ​കോ​ണ​ത്തേ​ഴ​ത്ത് ​ച​ന്ദ്ര​ബാ​ബു​വി​ന്റെ​ ​മ​ക​ൾ​ ​ച​ന്ദ​ന​ ​(17​),​ ​ഉ​ള​വ​യ്പ്പ് ​മു​രി​ക്കും​ത​റ​ ​അ​നി​രു​ദ്ധ​ന്റെ​ ​മ​ക​ൾ​ ​അ​ർ​ച്ച​ന​ ​(17​)​ ​എ​ന്നി​വ​ർക്കും ബൈക്ക് യാത്രക്കാരായ ​ ​അ​നീ​ഷ്​(36​),​ ​മ​ക​ൻ​ ​വേ​ദ​വ് ​(4​)​ ​എന്നിവർക്കുമാണ് പ​രി​ക്കേ​റ്റത്. ​ അ​മി​ത​ ​വേ​ഗ​ത്തി​ൽ​ വ​ന്ന​ ​കാ​ർ,​ ​ബൈ​ക്കി​ൽ​ ​ഇ​രി​ക്കു​ക​യാ​യി​രു​ന്ന​ ​അ​നീ​ഷി​നെ​യും​ ​മ​ക​ൻ​ ​വേ​ദ​വി​നെ​യു​മാ​ണ് ​ആ​ദ്യം​ ​ഇ​ടി​ച്ച​ത്.​ ​തു​ട​ർ​ന്ന് ​എ​തി​ർ​വ​ശ​ത്തേ​ക്കു​ ​വെ​ട്ടി​ത്തി​രി​ഞ്ഞാ​ണ് ​അ​ന​ഘ,​ ​സാ​ഗി​ ​സാ​ബു,​ ​ച​ന്ദ​ന​ ​എ​ന്നി​വ​രെ​ ​ഇ​ടി​ച്ച​ത്.​ ​ച​ന്ദ​ന​ ​തോ​ട്ടി​ലേ​ക്കും​ ​മ​റ്റു​ ​ര​ണ്ടു​പേ​ർ​ ​പു​ര​യി​ട​ത്തി​ലേ​ക്കും​ ​തെ​റി​ച്ചു​വീ​ണു.
വീ​ണ്ടും​ ​പാ​ഞ്ഞ​ ​കാ​ർ​ ​സൈ​ക്കി​ളി​ൽ​ ​വ​രി​ക​യാ​യി​രു​ന്ന​ ​അ​ർ​ച്ച​ന​യെ​ ​ഇ​ടി​ച്ച​ശേ​ഷ​മാ​ണ് ​മ​ര​ത്തി​ലി​ടി​ച്ച് ​നി​ന്ന​ത്.​ ​കാർ യാത്രക്കാർക്കും പരിക്കേറ്റു.

 രാവിലെയും അപകടമുണ്ടാക്കി

ചൊവ്വാഴ്ച രാവിലെയും ഈ കാർ മതിലിൽ ഇടിച്ച് അപകടമുണ്ടാക്കിയതായി മോട്ടോർ വാഹന വകുപ്പ് ഉദ്യോഗസ്ഥർക്ക് വിവരം ലഭിച്ചു.ആർ.ടി.ഒ രേഖകളിൽ പൂച്ചാക്കൽ കാരവേലിൽ അസറുദ്ദീൻ മനാഫിന്റെ പേരിലാണ് കാർ.എന്നാൽ ഇയാൾ മാസങ്ങൾക്കു മുമ്പേ കാർ മറിച്ചു വിറ്റിരുന്നു.ഡ്രൈവർ ഉൾപ്പെടെ ചികിത്സയിലായതിനാൽ ഇവരുടെ ഡ്രൈവിംഗ് ലൈസൻസ് പരിശോധിച്ച ശേഷം തുടർ നടപടി സ്വകരിക്കുമെന്നും ജോയിന്റ് ആർ.ടി.ഒ പറഞ്ഞു.

അപകടം ഉണ്ടാക്കിയ കാർ സയന്റിഫിക് ഓഫീസർമാരായ ചിത്ര ,സി.രാമചന്ദ്രൻ എന്നിവർ പരിശോധിച്ചു.കാറിൽ ഒഴിഞ്ഞ കുപ്പികളും ഗ്ലാസും പലഹാരങ്ങളും ചിതറി കിടക്കുന്നതായി കാണപ്പെട്ടു.പ്രതികൾക്കെതിരെ ശക്തമായ നടപടികൾ സ്വീകരിക്കുമെന്ന് പൂച്ചാക്കൽ പൊലീസ് അറിയിച്ചു.

നാലു ദിവസം മുമ്പ് സെക്കൻഡ് ഹാൻഡായി വാങ്ങിയ ടൂറിസ്റ്റ് പെർമിറ്റുള്ള കാറാണ് അപകടത്തിൽപ്പെട്ടത്. ശ്രീകണ്ഠേശ്വരം ഹയർ സെക്കൻഡറി സ്ക്കൂളിലെ പ്ളസ് ടു വിദ്യാർത്ഥിനികളായ ചന്ദനയും സാഗിയും കാലുകൾക്ക് ഗുരുതരമായി പരിക്കേറ്റ് കളമശേരി മെഡിക്കൽ കോളേജാശുപത്രിയിൽ ചികിത്സയിലാണ് . അനഘ ഇരുകാലുകൾക്കും പരിക്കേറ്റ് എറണാകുളം മെഡിക്കൽ ട്രസ്റ്റ് ആശുപത്രിയിലാണ്. ലിസിയം പാരലൽ കോളേജിലെ പ്ളസ് ടു വിദ്യാർത്ഥിനിയായ അർച്ചനക്ക് കാൽമുട്ടിനാണ് ഗുരുതര പരിക്ക്. അർച്ചനയെ ചിറ്റൂർ ലൂർദ്ദ് ആശുപത്രിയിൽ പ്രവേശിപ്പിച്ചു . ബൈക്ക് യാത്രികരായ അനീഷും നാലു വയസുകാരനായ മകൻ വേദവും എറണാകുളം ജനറൽ ആശുപത്രിയിലും കാർ യാത്രക്കാരായ മനോജും അസം സ്വദേശിയായ അസ്ലം എന്നു വിളിക്കുന്ന ആനന്ദ് മുഡോയും കോട്ടയം മെഡിക്കൽ കോളേജ് ആശുപത്രിയിലും ചികിത്സയിലാണ്.