ചേർത്തല:തണ്ണീർമുക്കം വീണ്ടും പദ്ധതി സമർപ്പണത്തിലും മഹാത്മാഗാന്ധി തൊഴിലുറപ്പ് പദ്ധതിയിലും ജില്ലയിൽ ഒന്നാമത്. 2020-21 പദ്ധതിയിൽ തണ്ണീർമുക്കം ഗ്രാമപഞ്ചായത്ത് 9.80 കോടി രൂപയുടെ പദ്ധതിയാണ് സമർപ്പിച്ചത്. കഴിഞ്ഞ വർഷവും തണ്ണീർമുക്കമായിരുന്നു പദ്ധതി സമർപ്പണത്തിനും പൂർത്തീകരണത്തിലും ഒന്നാമതെത്തിയത്.സംസ്ഥാന സർക്കാരിൽ നിന്ന് ഒരുകോടി ഏഴുലക്ഷം രൂപയും അധികമായി അനുവദിച്ചു കിട്ടി.

1251തൊഴിലാളികളാണ് പഞ്ചായത്തിൽ തൊഴിലുറപ്പിൽ നൂറ് തൊഴിൽ ദിനങ്ങൾ പൂർത്തിയാക്കിയത്. ഈ പദ്ധതി വർഷം ആദ്യ മൂന്ന് മാസക്കാലത്തെ പ്രവങ്കത്തികളുടെ ചിത്രങ്ങൾ ജിയോടാഗിംഗ് സംവിധാനത്തിൽപ്പെടുത്തുന്നത് സാങ്കേതിക തകരാർ മൂലം തടസപ്പെട്ടു. നേട്ടങ്ങൾ കൈവരിക്കാൻ സഹായിച്ച എല്ലാവരെയും ഭരണസമിതിയുടെ പ്രത്യേക യോഗം അഭിനന്ദിച്ചു. പ്രസിഡന്റ് അഡ്വ.പി.എസ് ജ്യോതിസ് അദ്ധ്യക്ഷനായി.രേഷ്മ രംഗനാഥ്,രമാമദനൻ,സുധർമ്മ സന്തോഷ്,ബിനിത മനോജ്,കെ.ജെ സെബാസ്​റ്റ്യൻ,സനൽനാഥ്,സാനുസുധീന്ദ്രൻ,രമേഷ് ബാബു എന്നിവർ സംസാരിച്ചു. പഞ്ചായത്ത് സെക്രട്ടറി പി.സി.സേവ്യർ സ്വാഗതവും പ്ലാൻ കോ-ഓർഡിനേ​റ്റർ എ.എം.ജിമേഷ് നന്ദിയും പറഞ്ഞു.