ആലപ്പുഴ: കൊറോണ വൈറസിന്റെ വ്യാപനം തടയുവാൻ ജനങ്ങൾ ഒരുമിക്കുന്ന ജില്ലയിലെ പൊതു സ്ഥലങ്ങൾ ആരോഗ്യ വകുപ്പ് ജീവനക്കാരുടെയും സന്നദ്ധ്യപ്രവർത്തകരുടെയും കൂട്ടായ പ്രവർത്തനങ്ങളിലൂടെ ഓരോ ദിവസവും അണുവിമുക്തമാക്കാനുള്ള പ്രവർത്തനങ്ങൾ അടിയന്തരമായി നടപ്പാക്കണമെന്ന് യു.ഡി.എഫ്.ജില്ലാ ചെയർമാൻ എം.മുരളി ആവശ്യപ്പെട്ടു
മാസ്കുകളും, സാനി​റ്റൈസറുകളും, സോപ്പും ന്യായവിലയ്ക്കും, കഴിയുന്നത്ര സൗജന്യമായും ജനങ്ങൾക്ക് നൽകുവാൻ സർക്കാർ മുൻകൈ എടുക്കണം. ഇതിനായി സന്നദ്ധ സംഘടനകളുടെ സഹായം തേടണം.കെ.എസ്.ആർ.ടി.സി.ബസുകളും സ്വകാര്യ ബസുകളും മ​റ്റ് വാഹനങ്ങളും ദൈനം ദിനം അണുവിമുക്തമാക്കണം.
വൈറസ് വ്യാപനം ഒരു തരത്തിലും ജില്ലയിലുണ്ടാകാതിരിക്കാൻ സർക്കാർ സംവിധാനങ്ങളും സന്നദ്ധ സംഘടനകളും ഒരുമിച്ച് പ്രവർത്തിക്കാൻ അവസരം ഒരുക്കണമെന്നും ഈ പ്രവർത്തനങ്ങളിൽ ജില്ലയിലെ യു.ഡി.എഫിന്റെ മുഴുവൻ ഘടക കക്ഷി പ്രവർത്തകരുടെയും മുഴുവൻ സമയ പങ്കാളിത്തം വാഗ്ദാനം ചെയ്യുന്നതായും മുരളി അറിയിച്ചു.