ആലപ്പുഴ:കൊറോണ പ്രതിരോധ പ്രവർത്തനങ്ങളുടെ ഭാഗമായി ജില്ലയിലാകെ 4428 പേർ നിരീക്ഷണത്തിലാണെന്ന് ജില്ലാ മെഡിക്കൽ ഓഫീസർ അറിയിച്ചു.

പുതുതായി 725 പേരെ നിരീക്ഷണത്തിൽ ഉൾപ്പെടുത്തി. ജില്ലയിൽ നിരീക്ഷണ കാലാവധി കഴിഞ്ഞ 514 പേർ ഉണ്ട്. മെഡിക്കൽ കോളേജ് ആശുപത്രി, കായംകുളം താലൂക്ക് ആശുപത്രി എന്നിവിടങ്ങളിൽ മൂന്നു വീതവും, ജനറൽ ആശുപത്രിയിൽ നാലും ഹരിപ്പാട് താലൂക്ക് ആശുപത്രിയിൽ ഒരാളും അടക്കം 11 പേർ ആശുപത്രികളിൽ നിരീക്ഷണത്തിൽ ഉണ്ട്. പരിശോധനയ്ക്കയച്ച 142 സാമ്പിളുകളിൽ 138 എണ്ണത്തിന്റെ പരിശോധനാ ഫലം ലഭിച്ചു. കൊറോണയുടെ ആദ്യഘട്ടത്തിൽ ആലപ്പുഴ ജില്ലയിൽ പോസിറ്റീവ് ആയി കണ്ടെത്തിയ ഒരാളുടെത് ഒഴികെ ബാക്കിയെല്ലാ പരിശോധനാ ഫലങ്ങളും നെഗറ്റീവ് ആണ്.