ആലപ്പുഴ:കൊറോണ പ്രതിരോധ പ്രവർത്തനങ്ങളുടെ ഭാഗമായി ജില്ലയിൽ നിരീക്ഷണത്തിലുള്ളത് 4840 പേർ.

പുതുതായി 412 പേരെ നിരീക്ഷണത്തിൽ ഉൾപ്പെടുത്തി. ഇന്നലെ ആരെയും നിരീക്ഷണത്തിൽ നിന്ന് ഒഴിവാക്കിയില്ല.

മെഡിക്കൽ കോളേജ് ആശുപത്രി, കായംകുളം താലൂക്ക് ആശുപത്രി, ആലപ്പുഴ ജനറൽ ആശുപത്രി, ഹരിപ്പാട് താലൂക്ക് ആശുപത്രി എന്നിവിടങ്ങളിലാണ് നിരീക്ഷണ വാർഡുകൾ ഉള്ളത്. പരിശോധനയ്ക്കയച്ച 160 സാമ്പിളുകളിൽ 141 എണ്ണത്തിന്റെ ഫലം ലഭിച്ചു. കൊറോണയുടെ ആദ്യഘട്ടത്തിൽ ആലപ്പുഴ ജില്ലയിൽ പോസിറ്റീവ് ആയി കണ്ടെത്തിയ ഒരാളുടെത് ഒഴികെ ബാക്കിയെല്ലാ ഫലങ്ങളും നെഗറ്റീവ് ആണ്. ഹോം ക്വാറന്റയിൻ നിർദ്ദേശിക്കപ്പെട്ടവർ 398 ഉം ഹോംക്വാറന്റയിനിൽ 4826ഉം പേരുണ്ട്. ഇന്നലെ ഫലം ലഭിച്ച ആറ് സാമ്പിളുകളും നെഗറ്റീവ് ആയിരുന്നു. 18 സാമ്പിളുകൾ ഇന്നലെ പരിശോധനയ്ക്ക് അയച്ചു.
റെയിൽവേ സ്റ്റേഷനുകളിലും ബസ് സ്റ്റാൻഡുകളിലും പരിശോധനയ്ക്ക് വിധേയരായത് 77,665 യാത്രക്കാരാണ്. എട്ടു പേരിൽ രോഗലക്ഷണം കണ്ടെത്തി.