കായംകുളം: പാമ്പുകടിയേറ്റ് അബോധാവസ്ഥയിലായ അന്യസംസ്ഥാന തൊഴിലാളിയെ ആരും തി​രി​ഞ്ഞുനോക്കി​യി​ല്ല. ഒടുവി​ൽ പൊലീസെത്തി​ ആശുപത്രിയലെത്തിച്ചു. കായംകുളം ട്രാഫിക് എൻഫോഴ്സ്‌മെന്റ് യൂണിറ്റിലെ എ.എസ്.ഐ. എസ്.അനിൽകുമാർ, സി.പി.ഒ. ഉസ്‌കർ എന്നിവരാണ് തൊഴിലാളിയായ ശിവംകുമാറിനെ (26) ആശുപത്രിയിലെത്തിച്ച് ജീവൻ രക്ഷിച്ചത്.

കഴിഞ്ഞ ദിവസം രാത്രി പത്തരയോടെ പുല്ലുകുളങ്ങരയ്ക്ക് വടക്കുവശത്തുള്ള താമസസ്ഥലത്തുവച്ചാണ് പാമ്പുകടിയേറ്റത്. സഹായി​ക്കാൻ ആരും തയ്യാറാകാതിരുന്നതോടെ തിരുവനന്തപുരത്തെ പൊലീസ് കോൾസെന്ററിൽ ആരോ വി​വരമറി​യി​ച്ചു. തുടർന്ന് കായംകുളം രണ്ടാംകുറ്റി ഭാഗത്ത് ഡ്യൂട്ടിയിലായിരുന്ന പൊലീസ് പാഞ്ഞെത്തിയപ്പോഴേക്കും ശിവംകുമാർ അബോധാവസ്ഥയിലായി.

പൊലീസ് വാഹനത്തിൽ കയറ്റി കൊണ്ടുപോകുംവഴി ആംബുലൻസ് എത്തി. തുടർന്ന് ആംബുലൻസിലേക്ക് മാറ്റികായംകുളം താലൂക്ക് ആശുപത്രിയിൽ എത്തിച്ചു.