കായംകുളം: കായംകുളം നഗരസഭയിൽ ബഡ്ജറ്റ് അവതരണ യോഗം അലങ്കോലമായി.

ബഡ് ജറ്റ് അപൂർണമാണെന്ന് ചൂണ്ടിക്കാട്ടി പ്രതിപക്ഷമായ യു.ഡി.എഫും ബി.ജെ.പിയും പ്രതി​ഷേധി​ച്ചു. തുടർന്ന് എവർ യോഗം ബഹി​ഷ്കരി​ച്ചു. നഗരസഭയി​ലെ ആകെ 44 വാർഡുകളുള്ളതി​ൽ 39 വാർഡുകളിലെ നിർദ്ദേശങ്ങൾ ആണ് ബഡ്ജറ്റിൽ ഉൾപ്പെടുത്തിയിരുന്നത്. അഞ്ച് വാർഡുകളിലെ വികസന പദ്ധതികൾ ബഡ്ജറ്റിൽ ഇല്ലായിരുന്നു.

അപൂർണമായ ബഡ്ജറ്റവതരിപ്പിച്ചതിൽ ബി.ജെ.പി​ പ്രതിഷേധിച്ചു. മാസങ്ങൾ നീണ്ട നിന്ന വിവിധ ചർച്ചകൾക്ക് ശേഷം തയ്യാറാക്കിയ ബഡ്ജറ്റ് അലംഭാവത്തോടെ അവതരിപ്പിച്ചത് നഗരസഭാ നേതൃത്വത്തിന്റെ പിടിപ്പുകേടിന്റെ ഉദാഹരണമാണെന്ന് ബി ജെ പി മുനിസി​പ്പൽ പാർലമെന്ററി​ പാർട്ടി ലീഡർ ഡി. അശ്വിനീ ദേവ് പറഞ്ഞു.