ആലപ്പുഴ : കൊറോണ രോഗബാധയുമായി ബന്ധപ്പെട്ട് ജില്ലയിൽ നിരീക്ഷണത്തിലുള്ളത് 5620പേർ. ആശുപത്രിയിൽ നിരീക്ഷണത്തിലേക്ക് ആറു പേരെ പ്രവേശിപ്പിച്ചപ്പോൾ നാലു പേരെ ഒഴിവാക്കി. മൊത്തം 20പേരാണ് ആശുപത്രി നിരീക്ഷണത്തിൽ ഉള്ളത്. 11പേർ ആലപ്പുഴ മെഡിക്കൽ കോളജ് ആശുപത്രിയിലും അഞ്ചുപേർ ജനറൽ ആശുപത്രിയിലും നാലു പേർ ഹരിപ്പാട് ആശുപത്രിയിലുമാണ്. 99പേർക്കാണ് ഇന്നലെ ഹോം ക്വാറന്റൈൻ നിർദേശിച്ചത്. ഇന്നലെ പരിശോധനയ്ക്കായി 17സാമ്പിളുകൾ അയച്ചു. ഇന്നലെ ഫലം അറിഞ്ഞ 12 സാമ്പിളുകളും നെഗറ്റീവ് ആണ്. 30എണ്ണത്തിന്റെ ഫലം വരാനുണ്ട്. 175പേർ ഇന്നലെ കൺട്രോൾ റൂമിലേക്ക് വിളിച്ചു. 41241 വീടുകൾ നിരീക്ഷണ സംഘങ്ങൾ സന്ദർശിച്ചു.