ആലപ്പുഴ:ഡോക്ടർ ഇൻ, ഡോക്ടർ ഔട്ട് തുടങ്ങിയ ബോർഡുകൾ കണ്ട് പരിചയിച്ച ആലപ്പുഴയിലെ രോഗികളെത്തേടി പുതുതായി എത്തുകയാണ് 'ഡോക്ടർ ഓൺലൈൻ'. ജില്ലാ മെഡിക്കൽ ഓഫീസും ആലപ്പുഴ മെഡിക്കൽ കോളേജും ജില്ല ഭരണകൂടവും ചേർന്ന് ഓൺ ലൈനിൽ കൺസൾട്ടേഷന് സൗകര്യമൊരുക്കുന്നത്. ' ഡോക്ടർ ഓൺലൈൻ' പദ്ധതി വഴി. ഡോക്ടറെ നേരിൽ കാണാൻ പോകാൻ കഴിയാത്ത സാഹചര്യമുള്ള ജില്ലയിലെ ഏത് തരത്തിലുള്ള രോഗ ബാധിതർക്കും ഓൺ ലൈൻ വഴിയുള്ള കൺസൾട്ടേഷന് സൗകര്യമുണ്ടാകും ജനറൽ മെഡിസിൻ, പീഡിയാട്രിക്സ്, ഗൈനക്കോളജി, റെസ്പിറേ​റ്ററി മെഡിസിൻ, ഇ.എൻ.ടി, ഒഫ്ത്താൽമോളജി, സർജറി, നെഫ്രോളജി, ഓങ്കോളജി,ഡെർമ​റ്റോളജി, സൈക്കാട്രി, ഓർത്തോ, ന്യൂറോളജി, ഫിസിക്കൽ മെഡിസിൻ, റേഡിയോതെറാപ്പി, യൂറോളജി, സി.വി.ടി.എസ്. തുടങ്ങിയ വിഭാഗങ്ങളിലെ ഡോക്ടർമാരുടെ സേവനമാണ് ഇപ്പോൾ ലഭ്യമാക്കിയിട്ടുള്ളത്.

ചെയ്യേണ്ടത്

 0477-2961576 എന്ന നമ്പറിൽ രജിസ്​റ്റർ ചെയ്യണം

 വിളിക്കുമ്പോൾ നിലവിലുള്ള രോഗം സംബന്ധിച്ച് ചെറിയ വിവരണം നൽകണം

 വാട്ട്സ് ആപ്പ് കോൾ വഴി ഡോക്ടർ തിരികെ വിളിക്കും

 മരുന്ന് അപ്പോൾ തന്നെ നിർദ്ദേശിക്കും

 കൂടുതൽ പരിശോധന ആവശ്യമാണെങ്കിൽ അതിനുള്ള നിർദ്ദേശങ്ങൾ നൽകും.