ആലപ്പുഴ : കൊറോണ സംശയത്തെത്തുടർന്ന് ജില്ലയിൽ നിരീക്ഷണത്തിലുള്ളത് 5771പേർ. ആകെ 19പേരാണ് ആശുപത്രിയിൽ നിരീക്ഷണത്തിലുള്ളത്. 14പേർ ആലപ്പുഴ മെഡിക്കൽ കോളജ് ആശുപത്രിയിലും അഞ്ചുപേർ ഹരിപ്പാട് ആശുപത്രിയിലുമാണ്. 151 പേർക്കാണ് ഇന്നലെ ഹോം ക്വാറന്റൈൻ നിർദേശിച്ചത്. ഇന്നലെ പരിശോധനയ്ക്കായി 14സാമ്പിളുകൾ അയച്ചു. ഫലം അറിഞ്ഞ 18 സാമ്പിളുകളും നെഗറ്റീവ് ആണ്. 26എണ്ണത്തിന്റെ ഫലം വരാനുണ്ട്. ഇന്നലെവരെ പരിശോധിച്ച 231സാമ്പിളുകളിൽ 203ഉം നെഗറ്റീവ് ആണ്.