ആലപ്പുഴ: നാളെ ആരംഭിക്കുന്ന സൗജന്യ റേഷൻ വിതരണത്തിൽ ജനക്കൂട്ടം ഒഴിവാക്കുന്നതിനായി സിവിൽ സപ്ലൈസ് വകുപ്പ് ക്രമീകരണങ്ങൾ ഒരുക്കും. ഒരേ സമയം അഞ്ചിൽ കൂടുതൽ ആളുകളെ ക്യൂവിൽ നിറുത്തില്ല. ഗുണഭോക്താക്കൾ നിശ്ചിത അകലം പാലിക്കുന്നതിനായി പോയിന്റുകൾ രേഖപ്പെടുത്തും. രാവിലെ 9 മുതൽ ഉച്ചയ്ക്ക് ഒന്ന് വരെയും രണ്ട് മുതൽ വൈകിട്ട് അഞ്ച് വരെയുമാവും റേഷൻകടകളുടെ പ്രവൃത്തി സമയം. എ.എ.വൈ വിഭാഗക്കാർക്ക് കാർഡൊന്നിന് 30 കിലോഗ്രാം അരിയും 5 കിലോഗ്രാം ഗോതമ്പും സൗജന്യമായും ഒരു കിലോഗ്രാം പഞ്ചസാര 21 രൂപ നിരക്കിലും ലഭിക്കും.മുൻഗണന വിഭാഗത്തിൽപ്പെട്ട കാർഡുകളിലെ ഓരോ അംഗത്തിനും 4 കിലോ അരിയും 1 കിലോ ഗോതമ്പും സൗജന്യമായി ലഭിക്കും. പൊതുവിഭാഗത്തിൽപ്പെട്ടവർക്ക് 15 കിലോ അരി സൗജന്യമായും കിലോയ്ക്ക് 17 രൂപ നിരക്കിൽ 3 കിലോഗ്രാം ആട്ടയും ലഭിക്കും. ജില്ലാ സപ്ലൈ ഓഫീസ്, ആലപ്പുഴ :0477-2251674