ഹരിപ്പാട് : എസ്. എൻ. ഡി. പി യോഗത്തിന്റെ നിർദേശാനുസരണം ചേപ്പാട് യൂണിയൻ നടത്തി വരുന്ന ജീവ കാരുണ്യ പ്രവർത്തനങ്ങളുടെ ഭാഗമായി കൊറോണയെത്തുടർന്ന് അവശത അനുഭവിക്കുന്ന ജനവിഭാഗങ്ങൾക്ക് പത്തിയൂർ മേഖലയിലെ 1242ാം നമ്പർ ശാഖ അവശ്യ സാധനങ്ങൾ അടങ്ങിയ കിറ്റ് വിതരണം ചെയ്തു. ചേപ്പാട് യൂണിയൻ സെക്രട്ടറി എൻ. അശോകൻ ഉദ്ഘാടനം നിർവ്വഹിച്ചു. യൂണിയൻ കൗൺസിലർ ബിജു പത്തിയൂർ, ശാഖാപ്രസിഡന്റ് കെ. രാജൻ, സെക്രട്ടറി ബി. ശിവൻ, യൂണിയൻ കമ്മിറ്റി അംഗം വാമദേവിൻ എന്നിവർ പങ്കെടുത്തു