ന്യൂഡൽഹി:കൊറോണയ്‌ക്കെതിരായ പോരാട്ടത്തിന് 50 ലക്ഷം രൂപ ധനസഹായം നൽകി സച്ചിൻ ടെൻഡുൽക്കർ. പ്രധാന മന്ത്രിയുടെ ദുരിതാശ്വാസ നിധിയിലേക്ക് 25 ലക്ഷവും, മുഖ്യമന്ത്രിയുടെ ദുരിതാശ്വാസ നിധിയിലേക്ക് 25 ലക്ഷവുമാണ് നൽകിയിരിക്കുന്നത്.

ഇന്ത്യൻ കായിക രംഗത്തു നിന്ന് ലഭിക്കുന്ന ഏറ്റവും ഉയർന്ന സംഭാവനയാണിത് .കഴിഞ്ഞ ദിവസം പി.വി സിന്ധു പത്ത് ലക്ഷം രൂപ നൽകിയിരുന്നു. നേരത്തെ ഇർഫാൻ പഠാനും യൂസുഫ് പഠാനും ബറോഡ പൊലീസിന് 4,000 മാസ്‌ക്കുകൾ വിതരണം ചെയ്തിരുന്നു. പൂനെ ആസ്ഥാനമായി പ്രവർത്തിക്കുന്ന എൻജിഒയിലൂടെ ഒരു ലക്ഷം രൂപ ധോണിയും സംഭാവന നൽകിയിരുന്നു. കൊറോണയ്‌ക്കെതിരായ പോരാട്ടത്തിൽ തങ്ങളുടെ ശമ്പളം നൽകി കായിക താരങ്ങളായ ബജ്‌റംഗ് പുനിയയും ഹിമാ ദാസും രംഗത്തെത്തിയിരുന്നു.