മൂവാറ്റുപുഴ: പൂർവികർ തുടങ്ങിവച്ച മഹത്തരമായ കലാരൂപമാണ് തിരുവാതിരയെന്ന് സിനിമാതാരം ആശാ ശരത് പറഞ്ഞു .മൂവാറ്റുപുഴ ശ്രീകുമാരഭജന ദേവസ്വം ക്ഷേത്രത്തിലെ കുംഭപ്പൂയമഹോത്സവത്തോടനുബന്ധിച്ച് നടന്ന മെഗാ തിരുവാതിര ഉദ്ഘാടനം ചെയ്ത് സംസാരിക്കുകയായിരുന്നു. എസ്.എൻ.ഡി.പി. യൂണിയൻ പ്രസിഡന്റ് വി.കെ. നാരായണൻ, മുൻ എം.എൽ.എയും അജു ഫൗണ്ടേഷൻ ചെയർമാനുമായ ഗോപി കോട്ടമുറിയ്ക്കൽ, അജു ഫൗണ്ടേഷൻ ജനറൽ സെക്രട്ടറി പ്രമോദ്. കെ.തമ്പാൻ, യൂണിയൻ ബോർഡംഗം അഡ്വ.എൻ.രമേശ്, തിരുവാതിര ടീം ലീഡർ ബീന, അഡ്വ. റഷീദ് എന്നിവർ സംസാരിച്ചു. എസ്.എൻ.ഡി.പി. യൂണിയന്റെയും അജു ഫൗണ്ടേഷന്റെയും സംയുക്താഭിമുഖ്യത്തിലാണ് മെഗാ തിരുവാതിര സംഘടിപ്പിച്ചത്. 250ഓളം പേരടങ്ങുന്ന സംഘം അവതരിപ്പിച്ച തിരുവാതിര ഒരു മണിക്കൂറോളം നീണ്ട് നിന്നു.