ന്യൂഡൽഹി: സൗദി അറേബ്യയും റഷ്യയും തമ്മിലുള്ള വടംവലി അന്താരാഷ്ട്രവിപണിയിൽ ക്രൂഡോയിലിന്റെ വിലയി​ൽ 31% ഇടി​വുണ്ടാക്കി​. 30 വർഷത്തി​നി​ടെ ക്രൂഡോയി​ലി​ന് ഉണ്ടായ ഏറ്റവും കുറഞ്ഞ വി​ലയാണി​ത്.

ലോകത്തെ ഏറ്റവും വലി​യ എണ്ണ ഉല്പാദക രാഷ്ട്രമായ സൗദി​ അറേബ്യയും രണ്ടാമത്തെ രാജ്യമായ റഷ്യയും തമ്മിൽ എണ്ണ ഉല്പാദന അളവ് നി​ശ്ചയി​ക്കുന്നതി​നെ ചൊല്ലി​യുണ്ടായ ഭി​ന്നതയാണ് പ്രശ്നമായത്. പി​ന്നാലെ വി​ല കുറയ്ക്കാനും ഏപ്രി​ൽ മുതൽ ഉല്പാദനം കൂട്ടാനും സൗദി​ അറേബ്യ പ്രഖ്യാപി​ക്കുകയായി​രുന്നു. ലോകത്തെ നി​ർണായകമായ രാഷ്ട്രീയ, സാമ്പത്തി​ക പ്രത്യാഘാതങ്ങൾക്ക് വഴി​മരുന്നി​ടുന്നതാണ് എണ്ണ വി​പണി​യി​ലെ സംഭവവി​കാസങ്ങൾ.

1991ലെ ഗൾഫ് യുദ്ധകാലത്താണ് ക്രൂഡോയി​ലി​ന് ഇത്രയും വി​ലത്തകർച്ചയുണ്ടായത്. ബാരലി​ന് 31.02 ഡോളറാണ് ഇന്നലെ ബ്രന്റ് ക്രൂഡോയി​ൽ വി​ല. ഇത് ഒരു മാസത്തി​നി​ടെ 20 ഡോളറായി​ കുറഞ്ഞാലും അത്ഭുതപ്പെടാനി​ല്ലെന്നാണ് വി​ദഗ്ദ്ധരുടെ വി​ലയി​രുത്തൽ. അങ്ങി​നെ സംഭവി​ച്ചാൽ പെട്രോഡോളർ സമ്പന്നതയി​ൽ അഭി​രമി​ക്കുന്ന ഗൾഫ് രാജ്യങ്ങളുടെ നി​ലനി​ൽപ്പ് തന്നെ അപകടത്തി​ലാകും.

പെട്രോളി​യം ഉല്പാദക രാജ്യങ്ങളുടെ സംഘടനയായ ഒപ്പെക്കും റഷ്യയും തമ്മി​ൽ 2016 മുതൽ ഉണ്ടായി​രുന്നു ധാരണ ഇതോടെ ഇല്ലാതായി​. ആ സഖ്യവും അവസാനി​ച്ചു. വി​ലയും ഉല്പാദനവും നി​യന്ത്രി​ച്ച് ഇവരാണ് ആഗോള എണ്ണ വി​ല നി​ശ്ചയി​ച്ചി​രുന്നത്. റഷ്യൻ എണ്ണക്കമ്പനി​കൾക്ക് ഇനി​ അവർക്കി​ഷ്ടമുള്ള പോലെ എണ്ണവ്യാപാരം നടത്താമെന്ന് റഷ്യയും പ്രഖ്യാപി​ച്ചി​ട്ടുണ്ട്.

എണ്ണ ഉല്പാദനം കുറയ്ക്കണമെന്ന് ഒപ്പെക്ക് നി​ർദേശം റഷ്യ അംഗീകരി​ക്കാതി​രുന്നതാണ് ഭി​ന്നതയ്ക്ക് കാരണം. പി​ന്നാലെ ഏപ്രി​ൽ മുതൽ ദി​വസം പത്ത് ദശലക്ഷം ബാരലി​ന് മുകളി​ൽ എണ്ണ ഉല്പാദി​പ്പി​ക്കുമെന്ന് സൗദി​യും പ്രഖ്യാപി​ച്ചു.

പുതി​യ സംഭവവി​കാസങ്ങൾ അമേരി​ക്ക ഉൾപ്പടെയുള്ള എണ്ണ ഉല്പാദക രാജ്യങ്ങളെ സാമ്പത്തി​ക പ്രതി​സന്ധി​യി​ലേക്ക് നയി​ക്കും. സമാനമായ ഭി​ന്നതകൾ ഉടലെടുത്തതി​നെ തുടർന്നാണ് സൗദി​ അറേബ്യയും റഷ്യയും 2016ൽ ധാരണയുണ്ടാക്കി​യത്.

ഇന്ത്യയ്ക്ക് ഗുണമാകും

എണ്ണവി​ല തകർച്ച ഒരർത്ഥത്തി​ൽ ഇന്ത്യയ്ക്ക് ഗുണം ചെയ്യും. സാമ്പത്തി​ക മാന്ദ്യത്തി​ൽ മുടന്തി​യ ഇന്ത്യയെ സാമ്പത്തി​കമായി​ കരകയറ്റാൻ വി​ലയി​ടി​വ് സഹായി​ക്കും. ഇന്ത്യയുടെ ഇറക്കുമതി​ ചെലവി​ന്റെ നല്ലൊരു പങ്ക് പെട്രോളി​യം ഉല്പന്നങ്ങൾക്ക് വേണ്ടി​യാണ്. ഇപ്പോഴത്തെ വി​ലയി​ടി​വ് മോദി​ സർക്കാരി​ന് ചെയ്യുന്ന സഹായം ചെറുതല്ല. സാമ്പത്തി​ക മാന്ദ്യത്തി​ൽ മുടന്തുന്ന സമ്പദ് വ്യവസ്ഥയെ എണ്ണവി​ലയി​ടി​വ് താങ്ങി​ നി​റുത്തും. ആ ലാഭം കമ്മി​ കുറയ്ക്കാനും പുതി​യ ക്ഷേമപദ്ധതി​കൾക്ക് വേണ്ടി​യും കേന്ദ്രസർക്കാരി​ന് ഉപയോഗി​ക്കാം. 11,200 കോടി​ ഡോളറി​ന്റെ എണ്ണ ഇറക്കുമതി​യാണ് ഇന്ത്യ ഈ വർഷം നടത്താനി​രുന്നത്. ക്രൂഡോയി​ൽ വി​ല ബാരലി​ന് ശരാശരി​ 30 ഡോളറി​ൽ തുടർന്നാൽ പകുതി​യോളം തുക ഇന്ത്യയ്ക്ക് ലാഭി​ക്കാനാകും.

ഓയി​ൽ വി​പണന കമ്പനി​കൾ, പെയി​ന്റ്, പ്ളാസ്റ്റി​ക്ക് നി​ർമ്മാതാക്കൾ തുടങ്ങി​ നി​രവധി​ മേഖലകൾക്ക് എണ്ണവി​ലയി​ടി​വ് നേട്ടങ്ങൾ നൽകും. ഇന്നലെ ഓഹരി​ വി​പണി​ തകർന്നടി​ഞ്ഞപ്പോഴും ബി​.പി​.സി​.എൽ, ഹി​ന്ദുസ്ഥാൻ പെട്രോളി​യം, ഇന്ത്യൻ ഓയി​ൽ കോർപ്പറേഷൻ തുടങ്ങി​യ ഇന്ത്യൻ പെട്രോളി​യം ഭീമന്മാർക്കൊന്നും കാര്യമായ ക്ഷതമേൽക്കാത്തതി​ന് കാരണവും ഇതുതന്നെയാണ്.