കൊച്ചി: കൊറോണോ ബോധവത്കരണത്തിന് യന്തിരനും. കൊറോണ ഭീതി പടരുന്നതിനിടെ കളമശേരിയിലെ ഇന്ററഗ്രേറ്റഡ് സ്റ്റാർട്ടപ്പ് സമുച്ചയത്തിലാണ് അസിമോവ് റോബോട്ടിക്‌സ് എന്ന സ്റ്റാർട്ടപ്പ് റോബോട്ടുകളെ ഒരുക്കിയത്.
അസിമോവിന്റെ രണ്ട് റോബോട്ടുകളാണ് ബോധവത്കരണ പരിപാടികളിൽ പങ്കെടുക്കുന്നത്. കൊറോണ വൈറസ് വ്യാപിക്കുന്നത് തടയുന്നതിനെക്കുറിച്ച് ലോകാരോഗ്യ സംഘടനയുടെ പ്രചരണ വീഡിയോ റോബോട്ടുകളിലെ സ്‌ക്രീനിൽ കാണിക്കുന്നു. മാസ്‌കുകൾ, സാനിറ്റൈസർ, നാപ്കിൻ എന്നിവയും റോബോട്ടുകൾ വഴി വിതരണം ചെയ്യുന്നുണ്ട്.
പ്രതിരോധത്തന് സ്വീകരിക്കേണ്ട മുൻകരുതളെക്കുറിച്ച് വിശദമായ വിവരണം രണ്ടാമത്തെ റോബോട്ട് നൽകുന്നു. നിരന്തരമായ ബോധവത്കരണത്തിനു ശേഷവും പലരും ഇതിനെ ഗൗരവമായി എടുക്കാത്തതാണ് ഇത്തരമൊരു പരീക്ഷണം നടത്താൻ പ്രേരിപ്പിച്ചതെന്ന് അസിമോവിന്റെ സ്ഥാപകനും സി.ഇ.ഒയുമായ ടി. ജയകൃഷ്ണൻ പറഞ്ഞു.