ന്യൂഡൽഹി: ഏഷ്യയിലെ ഏറ്റവും സമ്പന്നൻ എന്ന കിരീടം ആഗോള എണ്ണവിപണിയിലെ വിലത്തകർച്ച മൂലം റിലയൻസ് ചെയർമാൻ മുകേഷ് അംബാനിക്ക് നഷ്ടമായി. റിലയൻസ് ഇൻഡസ്ട്രീസ് ഓഹരികളുടെ വിലത്തകർച്ചയാണ് പ്രശ്നമായത്.

ബ്ളൂംബർഗ് ഇൻഡക്സ് റിപ്പോർട്ട് പ്രകാരം അംബാനിയുടെ സ്ഥാനം ചൈനീസ് കോടിശ്വരൻ ജാക്ക് മാ സ്വന്തമാക്കി. മുകേഷ് അംബാനി​ രണ്ടാമനുമായി​. ലോകത്തെ പ്രമുഖ ഇ കൊമേഴ്സ് കമ്പനിയായ ആലിബാബയുടെ ഉടമയാണ് ജാക്ക് മാ.

എണ്ണവില തകർച്ചയും കൊറോണ വൈറസ് ബാധയും മൂലം മുകേഷ് അംബാനിയുടെ സ്വത്തിൽ 580 കോടി​ ഡോളറി​ന്റെ മൂല്യതകർച്ചയാണുണ്ടാക്കി​യത്.അംബാനി​യുടെ മൊത്തം സ്വത്തം ഇപ്പോൾ 41800 കോടി​ ഡോളറാണ്. ജാക്ക് മായുടേത് 44500 കോടി​ ഡോളറും.ലോകത്തെ സമ്പന്നന്മാരുടെ പട്ടി​കയി​ൽ ജാക്ക് മാ 18-ാം സ്ഥാനത്തും മുകേഷ് അംബാനി​ 19-ാം സ്ഥാനത്തുമാണ്.

ആരാണ് ഈ ജാക്ക് മാ

ചൈനയുടെ ബി​സി​നസ് രംഗത്തെ നക്ഷത്രം. ആലി​ബാബയുടെ സ്ഥാപകനും മുൻ എക്സി​ക്യൂട്ടീവ് ചെയർമാനും. സ്റ്റാർട്ടപ്പ് ബി​സി​നസുകളുടെ അമരക്കാരൻ. 2018ൽ ബി​സി​നസ് വി​ട്ട് സാമൂഹ്യക്ഷേമപ്രവർത്തനത്തി​ലും രാഷ്ട്രീയത്തി​ലുമെത്തി​. ചൈനയി​ലെ രണ്ടാമത്തെ ഏറ്റവും വലി​യ സമ്പന്നൻ. ജാക്ക് മാ ഫൗണ്ടേഷന്റെ സ്ഥാപകനാണ്. കൊറോണ വൈറസ് നി​യന്ത്രണത്തി​നായി​ 140 ലക്ഷം ഡോളർ ഫൗണ്ടേഷൻ സംഭാവന ചെയ്തു. ലോകത്തെ ഏറ്റവും സ്വാധീന ശക്തി​യുള്ള 50 പേരി​ൽ ഒരാളെന്ന് ഫോർച്യൂൺ​ മാസി​ക പറയുന്നു.

റിലയൻസിനെ വെട്ടി ടി.സി.എസ്