കോലഞ്ചേരി :എം.ഒ.എസ്.സി മെഡിക്കൽ കോളേജിലെ മനോരോഗ വിഭാഗത്തിന്റെ കീഴിലുള്ള ലഹരിവിമുക്തി കേന്ദ്രത്തിൽ സ്റ്റുഡന്റ് പൊലീസ് കേഡ​റ്റുകൾക്ക് ലഹരിവിരുദ്ധ ഏകദിന പരിശീലനം നൽകി. ലഹരി ഉപയോഗത്തെക്കുറിച്ചും പ്രത്യാഘാതങ്ങളെക്കുറിച്ചും പ്രതിവിധികളെക്കുറിച്ചും നടത്തിയ പരിശീലനം മാനസികരോഗ ചികിത്സാ വിഭാഗം തലവൻ ഡോ. ജോസഫ് വർഗീസ് ഉദ്ഘാടനം ചെയ്തു. ഡോ. എം. നിഷ, ഡോ. ശ്രീജ സഹദേവൻ, ഡോ.നീ​റ്റു കുര്യൻ, പ്രൊജക്ട് ഡയറക്ടർ ഫ്രാൻസിസ് മൂത്തേടൻ, സീനിയർ കൗൺസിലർ എൻ.എസ് നിമ എന്നിവർ പ്രസംഗിച്ചു. കടയിരുപ്പ് ഗവ. ഹയർ സെക്കൻഡറി സ്കൂളിലെ 88 കേഡ​റ്റുകൾ ക്യാമ്പിൽ സംബന്ധിച്ചു.