തൃക്കാക്കര : അയ്യനാട്‌ സർവീസ് സഹകരണ ബാങ്ക് ഡയറക്ടർ ബോർഡ് അംഗം വി.എ. സിയാദിന്റെ ആത്മഹത്യയെകുറി​ച്ച് പൊലീസ് അന്വേഷണം ആരംഭിച്ചു.കഴിഞ്ഞഒമ്പതി​നായി​രുന്നു വാഴക്കാല കുന്നേപ്പറമ്പ് സ്വദേശി വി.എ. സിയാദിനെ (46) വീട്ടിലെ കിടപ്പുമുറിയിൽ ആത്മഹത്യ ചെയ്ത നിലയിൽ കണ്ടെത്തിയത് .പ്രളയഫണ്ട് ​ വെട്ടിപ്പ് കേസിൽ അയ്യനാട് സഹകരണ ബാങ്കിനെതിരെ ആരോപണങ്ങൾ ഉയരുന്ന സാഹചര്യത്തിലായിരുന്നു സിയാദിന്റെ മരണം. പ്രളയഫണ്ട് ​ വെട്ടിപ്പ് കേസുമായി ഈ മരണത്തിന് ബന്ധമില്ലെന്ന് പൊലീസ് നേരത്തെ വ്യക്തമാക്കിയിരുന്നു..ബന്ധുക്കളി​ൽ നി​ന്നും,സുഹൃത്തുക്കളിൽ നിന്നും അന്വേഷണ സംഘം മൊഴി രേഖപ്പെടുത്തി.മരിച്ച ദിവസവും തലേദിവസവും സിയാദുമായി ഫോണിൽ സംസാരി​​ച്ചവരി​ൽ നി​ന്നും പൊലീസ് മൊഴിയെടുത്തുവരുകയാണ്.മരണത്തിന് മുമ്പ് സിയാദുമായി ഫോണിൽ ബന്ധപ്പെട്ട മൂന്ന് പേരെ തൃക്കാക്കര പൊലീസ് വിളിച്ചുവരുത്തി മൊഴി രേഖപ്പെടുത്തി.ബാക്കിയുളളവരുടെ മൊഴി ഇന്ന് രേഖപ്പെടുത്തും.
വ്യാഴാഴ്ച സിയാദിന്റെ സ്‌കൂട്ടറിൽ നിന്നാണ് തന്റെ മരണത്തിന് ഉത്തരവാദികൾ സി​.പി​.എം കളമശേരി ഏരിയ സെക്രട്ടറി സക്കീർ ഹുസൈൻ ഉൾപ്പെടെ മൂന്ന് നേതാക്കളാണെന്ന് വ്യക്തമാക്കുന്ന ആത്മഹത്യാകുറിപ്പെഴുതിയ ഡയറി ബന്ധു കണ്ടെത്തിയത്.ആത്മഹത്യാകുറി​പ്പ് അടങ്ങിയ ഡയറി പൊലീസ് കോടതിക്ക് കൈമാറി.

അതേസമയംആത്മഹത്യാക്കുറി​പ്പി​ലെ കൈയക്ഷരം സി​യാദി​ന്റെ തന്നെയാണെന്ന് ബന്ധുക്കൾ പറഞ്ഞു. ആത്മഹത്യക്ക് കാരണം കുടുംബപ്രശ്നങ്ങളും സാമ്പത്തി​ക പ്രതി​സന്ധി​യുമാണെന്ന ആരോപണങ്ങൾ തെറ്റാണെന്ന് അവർ വ്യക്തമാക്കി​.