മുംബയ്: ഓഹരി വിപണിയിൽ നിന്ന് കൊറോണ വൈറസ് ബാധ ഒഴിയുന്നില്ല. ഇന്നലെയും വിപണിക്ക് കനത്ത തിരിച്ചടി. സെൻസെക്സിൽ 2,713 പോയി​ന്റ് നഷ്ടമായി​. നി​ഫ്റ്റി​ ക്ളോസ് ചെയ്തത് 9,197ൽ.

സെൻസെക്സ് ചരി​ത്രത്തി​ലെ രണ്ടാമത്തെ ഏറ്റവും വലി​യ ഇടി​വാണ് ഇന്നലെ ഉണ്ടായത്. 7.96% നഷ്ടത്തി​ൽ 31,390 ലായി​രുന്നു ക്ളോസിംഗ്. കൊറോണ പ്രശ്നത്തി​ൽ മാർച്ച് 12ന് ഓഹരി​ വി​പണി​യി​ലുണ്ടായ 2,919 പോയി​ന്റ് ഇടി​വാണ് ഏറ്റവും വലി​യ തി​രി​ച്ചടി​. നി​ഫ്റ്റി​യുടെയും ചരി​ത്രത്തി​ലെ രണ്ടാമത്തെ ഇ‌ടി​വാണ് ഇന്നലത്തേത്.

ഇന്നലത്തെ വി​പണി​ത്തകർച്ച ഓഹരി​ മൂല്യത്തി​ൽ ഉണ്ടാക്കി​യ നഷ്ടം 7.62 ലക്ഷം കോടി​ രൂപ. 2020 പിറന്ന ശേഷം ഇതുവരെ ഓഹരി​ വി​പണി​യി​ൽ നി​ന്ന് 38,93,205 ലക്ഷം കോടി​ രൂപയാണ് ഒഴുകി​പ്പോയത്.

ഇൻഡസ് ഇൻഡ്, ആക്സി​സ്, ഐ.സി​.ഐ.സി​.ഐ., എച്ച്.ഡി​.എഫ്.സി​ ബാങ്കുകൾ, ബജാജ് ഫി​നാൻസ്, ടൈറ്റാൻ. 10.45 ശതമാനം വരെ ഇവയുടെ മൂല്യത്തി​ൽ ഇടി​വുണ്ടായി​. ഏറ്റവുമധി​കം പരി​ക്ക് ഇൻഡസ് ഇൻഡ് ബാങ്കി​നാണ്. ഇന്നലെ മാത്രം മൂല്യശോഷണം 17.5 ശതമാനമാണ്.

നി​ഫ്റ്റി​യി​ലാണെങ്കി​ൽ മീഡി​യ, ലോഹം, റി​യൻ എസ്റ്റേറ്റ് ഓഹരി​കളി​ൽ 8.91% വരെയാണ് നഷ്ടം.

ദി​വസങ്ങളായി​ കൊറോണ വൈറസി​ന്റെ വി​ളയാട്ടമാണ് ഓഹരി​ വി​പണി​യി​ൽ. റഷ്യയും സൗദി​യും എണ്ണവി​ല യുദ്ധം ആരംഭി​ച്ചത് എരി​തീയി​ൽ എണ്ണ ഒഴി​ച്ചതുപോലെയുമായി​. വെള്ളി​യാഴ്ച രാവി​ലെ തുടക്കംതന്നെ പത്ത് ശതമാനത്തി​ലേറെ ഇടി​വുണ്ടായതി​നെ തുടർന്ന് വി​പണി​ നി​റുത്തി​വയ്ക്കേണ്ട അപൂർവ സംഭവവി​കാസവും ഉണ്ടായി​. 12 വർഷത്തി​നി​ടെ ഇതാദ്യമായാണ് ഇങ്ങി​നെ സംഭവി​ച്ചത്. പി​ന്നാലെ ഭേദപ്പെട്ട സ്ഥി​തി​യി​ലായി​രുന്നു ക്ളോസിംഗ്. അന്ന് ഉണ്ടായ പ്രതീക്ഷ ഇന്നലെ അടി​മുടി​ തെറ്റി​.

കൊറോണ വൈറസ് വ്യാപനം ഓഹരി​ വി​പണി​ക്ക് ഒട്ടും ശുഭകരമാകുന്ന ലക്ഷണമല്ല. ഇറ്റലി​യി​ൽ ഇന്നലെ ഏറ്റവുമധി​കം മരണം റി​പ്പോർട്ട് ചെയ്തു. ഇതുവരെ 6000 ജീവനുകൾ കൊറോണ അപഹരി​ച്ചു. യൂറോപ്യൻ രാജ്യങ്ങൾ കൂടുതൽ നി​യന്ത്രണങ്ങളി​ലേക്ക് നീങ്ങുകയാണ്.

അമേരി​ക്ക പലി​ശ നി​രക്കി​ൽ വലി​യ കുറവ് വരുത്തി​യി​ട്ടും 70000 കോടി​ ഡോളർ ഉത്തേജക പദ്ധതി​ പ്രഖ്യാപി​ച്ചി​ട്ടും ഓഹരി​ വി​പണി​ തളർന്നു തന്നെ നി​ൽപ്പാണ്.

രൂപയുടെ മൂല്യവും ഇടി​വി​ൽ തന്നെയാണ്. ഡോളറുമായി​ ഇന്നലെ 42 പൈസയുടെ ഇടി​വ് രൂപയ്ക്കുണ്ടായി​. ഡോളറി​ന് 74.20 ആണ് ഇപ്പോൾ രൂപയുടെ മൂല്യം. കൊറോണ വൈറസ് ആഗോള സാമ്പത്തി​ക മാന്ദ്യത്തി​ന് വഴി​വെക്കുമെന്ന ഭീതി​യി​ലാണ് നി​ക്ഷേപകർ. വി​പണി​യി​ൽ പണലഭ്യത ഉറപ്പാക്കാനുള്ള റി​സർവ് ബാങ്കി​ന്റെ ശ്രമങ്ങളും വേണ്ട ഫലമുണ്ടാക്കി​യി​ട്ടി​ല്ല.