കൊച്ചി: ജില്ലയിലെ വിവിധ റേഞ്ചുകളിൽപ്പെടുന്ന 112 ഗ്രൂപ്പുകളിലെ 641 കള്ള് ഷാപ്പുകളുടെ പരസ്യവിൽപന ഈ മാസം 18, 19 തീയതികളിൽ രാവിലെ 10.30ന് കാക്കനാട് കളക്‌ട്രേട്ട് കോൺഫറൻസ് ഹാളിൽ നടത്തും. പങ്കെടുക്കാൻ താല്പര്യമുള്ളവർ ആവശ്യമായ രേഖകളുമായി അന്നേദിവസം രാവിലെ 10 മണിക്ക് കളക്‌ട്രേട്ട് കോൺഫറൻസ് ഹാളിൽ എത്തണം. നിശ്ചിത ഫീസ് എൻട്രൻസ് ഫീസായി അടച്ചശേഷം റവന്യൂ അധികാരികൾ സാക്ഷ്യപ്പെടുത്തിയ ഫോട്ടോ പതിച്ച ഐഡന്റിറ്റി കാർഡോടുകൂടി വിൽപന ഹാളിൽ പ്രവേശിക്കാവുന്നതാണ്. വിൽപനയ്ക്ക് പങ്കെടുക്കുന്നവർ ഷാപ്പുകളുടെ റെന്റെൽ തുകയ്ക്കുള്ളതും തൊഴിലാളികളുടെ ഒരു മാസത്തെ വേതനത്തിന് തുല്യമായ തുകയ്ക്കുള്ള ഡിമാന്റ് ഡ്രാഫ്‌ട് എറണാകുളം എക്‌സൈസ് ഡെപ്യൂട്ടി കമ്മിഷണറുടെ പേരിൽ മാറാവുന്നത് എന്നിവ എടുത്തിരിക്കണം. വിൽപന സംബന്ധിച്ച് പാലിക്കേണ്ട മറ്റ് മാനദണ്ഡങ്ങളും കൂടുതൽ വിവരങ്ങളും എറണാകുളം ഡിവിഷൻ ഓഫീസിൽ നിന്നും ജില്ലയിലെ എല്ലാ എക്‌സൈസ് സർക്കിൾ ഓഫീസിൽ നിന്നും അറിയാവുന്നതാണെന്ന് എറണാകുളം എക്‌സൈസ് ഡെപ്യൂട്ടി കമ്മിഷണർ അറിയിച്ചു.