കൊച്ചി: കൊറോണ വൈറസ് വ്യാപന പശ്ചാത്തലത്തിൽ തേവര സെന്റ് ജോസഫ് സെന്റ് ജൂഡ് ദൈവാലയത്തിൽ വ്യാഴാഴ്ചകളിൽ നടന്നുവരുന്ന വി.യൂദാതാദേവൂസിന്റെ നൊവേന, ബുധനാഴ്ചകളിൽ നൽകുന്ന സഹായങ്ങൾ എന്നിവ നിറുത്തിവെചണചതായി യി വികാരി ഫാ.ജോജി കുത്തുകാട്ട് അറിയിച്ചു.

പ്രധാനപ്പെട്ട അറിയിപ്പുകൾ

മാർച്ച് 31 വരെ വ്യാഴാഴ്ചകളിൽ നടന്നുവരുന്ന വി.യൂദാതദേവൂസിന്റെ നൊവേന ഉണ്ടായിരിക്കുന്നതല്ല.

ഇടദിവസങ്ങളിൽ രാവിലെ 6, 7 വൈകിട്ട് 5.30, ഞായറാഴ്ച രാവിലെ 5.30, 6.30, 8, വൈകിട്ട് 6 എന്നീ സമയങ്ങളിൽ ദിവ്യബലി മാത്രമേ ഉണ്ടായിരിക്കുകയുള്ളൂ. ദൈവാലയത്തിൽ നടക്കുന്ന എല്ലാ തിരുക്കർമ്മങ്ങളും www.stjudethevara.org, യുട്യൂബ് ചാനലിലും ലഭിക്കും

ബുധനാഴ്ചകളിൽ നൽകുന്ന ചികിത്സാസഹായം ഇനിയൊരു അറിയിപ്പ് ഉണ്ടാകുന്നതു വരെ ഉണ്ടായിരിക്കില്ല.

മുൻകരുതൽ എന്ന നിലയിൽ കുടിവെള്ള വിതരണം താത്കാലികമായി നിറുത്തി

ദിവ്യബലി, പ്രാർത്ഥനകൾക്ക് വരുന്നവർ പള്ളിയുടെ സമീപത്ത് സജ്ജീകരിച്ചിരിക്കുന്ന സ്ഥലങ്ങളിൽ വച്ചിട്ടുള്ള സോപ്പുകൾ കൊണ്ട് കൈ കഴുകി ശുചിത്വം പാലിക്കണം

ദൈവാലയ ശുശ്രൂഷകളിൽ പങ്കെടുക്കുന്നവർ കൂട്ടം കൂട്ടമായി നിൽക്കാതെ സ്ഥല സൗകര്യമനുസരിച്ച് വിന്യസിച്ച് നിൽക്കണം.

പ്രായാധിക്യം ഉള്ളവരും രോഗികൾ, കൊച്ചുകുട്ടികൾ, ഏതെങ്കിലും രോഗം ഉണ്ടെന്ന് സംശയമുള്ളവർ സ്വഭവനങ്ങളിൽ ഇരുന്ന് പ്രാർത്ഥിച്ചാൽ മതിയാകും

എല്ലാവരും അനുദിന കുടുംബപ്രാർത്ഥനകൾ കുടുംബസമേതം ചൊല്ലണം. കൊറോണ വൈറസ് വ്യാപനത്തിൽ നിന്ന് ലോകത്തെ രക്ഷിക്കാൻ വേണ്ടി പ്രാർത്ഥിക്കണം

കൊറോണ വൈറസ് രോഗം ബാധിച്ചിരിക്കുന്നവരെ ശുശ്രൂഷിക്കുന്ന ഡോക്ടർമാർ മറ്റു ആതുര ശുശ്രൂഷകർ എന്നിവർക്ക് വേണ്ടി പ്രത്യേകം പ്രാർത്ഥിക്കണം