പുത്തൻകുരിശ്: പുത്തൻകുരിശ് പഞ്ചായത്തിൽ സാനി​റ്റൈസർ നിർമ്മിക്കുന്നു.ലോകാരോഗ്യ സംഘടന അനുശാസിക്കുന്ന ഫോർമുല പ്രകാരമാണ് തയ്യാറാക്കുന്നത്. ബ്രേക്ക് ദി ചെയിൻ കാമ്പയിൻ്റെ ഭാഗമായി മുഴുവൻ സർക്കാർ സ്ഥാപനങ്ങൾ, വിദ്യാലയങ്ങൾ, വായനശാലകൾ, ക്ലബുകൾ, ബസ് സ്റ്റോപ്പുകൾ തുടങ്ങി ജനങ്ങൾ തങ്ങുന്ന മുഴുവൻ പ്രദേശങ്ങളിലും ആദ്യഘട്ടം ഹാൻ്റ് സാനി​റ്റൈസർ സൗജന്യമായി വിതരണം ചെയ്തു.
പ്രസിഡൻ്റ് പി.കെ വേലായുധൻ അദ്ധ്യക്ഷനായി. വൈസ് പ്രസിഡൻ്റ് അംബിക നന്ദനൻ, സ്ഥിരം സമിതി അദ്ധ്യക്ഷന്മാരായ അഡ്വ. കെ.പി വിശാഖ്, ടി.കെ പോൾ, സോഫി ഐസക്ക് തുടങ്ങിയവർ പങ്കെടുത്തു.