പറവൂർ : കോറോണ പ്രതിരോധ പ്രവർത്തനങ്ങളുടെ ഭാഗമായി സഹകാരി കുടുംബത്തിന് പറവൂർ വടക്കേക്കര സഹകരണ ബാങ്ക് പതിനായിരം രൂപ പലിശരഹിത വായ്പ നൽകുന്നു. ബാങ്കിലെ തിരക്ക് ഒഴിവാക്കുന്നതിനായി വായ്പാനടപടികൾ ലഘൂകരിച്ച് തുക വീട്ടിലെത്തിക്കും. പ്രദേശത്തെ ഭരണസമിതി അംഗങ്ങൾ മുഖേനയാണ് വായ്പാ നടപടികൾ പൂർത്തിയാക്കുന്നത്. വായ്പത്തുക ബാങ്ക് ജീവനക്കാർ വീട്ടിലെത്തിച്ചു നൽകുമെന്ന് പ്രസിഡന്റ് എ.ബി. മനോജ് അറിയിച്ചു.