കോലഞ്ചേരി: എ.ടി.എമ്മുകളിൽ നിർബന്ധമായും സാനി​റ്റൈസർ സ്ഥാപിക്കണമെന്ന സർക്കാർ നിർദ്ദേശം ഇനിയും വകവയ്ക്കാതെ പട്ടിമ​റ്റത്തെ എ.ടി.എമ്മുകൾ.കൈകൾ കഴുകി മാത്രം എ.ടി.എമ്മുകളിൽ പ്രവേശിക്കണമെന്ന നിർദ്ദേശവും പാടെ അവഗണിക്കപ്പെടുന്നു. ശാഖകളോട് ചേർന്നുള്ളതും, ഒ​റ്റപ്പെട്ടതുമായ എല്ലാ എ.ടി.എമ്മുകളിൽ കണ്ട കാഴ്ചകൾ സമാനമാണ്. മെഷീനുകളുടെ കീ പാഡുകളിലും, സ്‌ക്രീനിലും തൊടാതെ പണമെടുക്കാൻ കഴിയില്ല. സമീപ പ്രദേശങ്ങളായ കോലഞ്ചേരി, കടയിരുപ്പ് മേഖലകളിലും എ.ടി.എം കൗണ്ടറുകളുടെ അവസ്ഥയും സമാനമാണ്.

#പട്ടിമ​റ്റത്ത് യാതൊരു സംവിധാനവും ഇല്ലാതെ

പ്രവർത്തിക്കുന്ന എ.ടി.എമ്മുകൾ

പട്ടിമറ്റം ടൗണിൽ മാത്രം ഫെഡറൽ ബാങ്ക്,എസ്.ബി.ഐ, സൗത്ത് ഇന്ത്യൻ ബാങ്ക്,എച്ച്.ഡി.എഫ്. സി, കാനറ ബാങ്ക്,നോർത്ത് മലബാർ ഗ്രാമീൺ ബാങ്ക്,എന്നീ ബാങ്കുകളുടേതുൾപ്പടെഒമ്പത് എ.ടി.എമ്മുകളാണുള്ളത്. ഇവിടെ എല്ലാം അനാസ്ഥയുടെ നേർക്കാഴ്ചകളാണ്.

#ബാങ്ക് മാനേജർക്ക് നോട്ടീസ് നൽകി

ബാങ്ക് എ.ടി.എമ്മുകളിൽ പ്രതിരോധ സംവിധാനങ്ങൾ ഏർപ്പെടുത്താത്തത് ശ്രദ്ധയിൽ പെട്ടിട്ടുണ്ട്. ഉടനടി കൈ കഴുകുന്ന സൗകര്യങ്ങളും, സാനിറ്റൈസറും എ.ടി.എമ്മുകളിൽ സ്ഥാപിക്കണമെന്ന് മാനേജർക്ക് നോട്ടീസ് നൽകി.

വി.ടി ഷാജൻ, കുന്നത്തുനാട് സി.ഐ

ബാങ്ക് പ്രവർത്തനങ്ങൾ

#ബാങ്കിംഗ് സമയം രാവിലെ 10 മുതൽ 2 വരെയായി മാറ്റി

#ജീവനക്കാരിൽ നിന്നും ഉപഭോക്താക്കൾ കൃത്യമായ അകലം പാലിക്കാൻ വരുന്നവർക്കുള്ള ഇരിപ്പിടങ്ങൾ എടുത്തു മാറ്റി

#ഒരു മീറ്റർ അകലത്തിൽ ബാരിക്കേഡുകൾ പോലെ കസേരകളും നിരത്തി

#പണം നിക്ഷേപിക്കൽ, പിൻ വലിക്കൽ, ആർ.ടി.ജി.എസ്, നെഫ്റ്റ് , ചെക്ക് ക്ലിയറിംഗ്, സർക്കാർ ഇടപാടുകൾ മാത്രമാക്കി

#പാസ് ബുക്ക് പ്രിൻ്റിംഗ് ഒഴിവാക്കി

#അഞ്ചിൽ കൂടുതൽ പേരെ ഒരേസമയം ബാങ്കിൽ പ്രവേശിപ്പിക്കുകയില്ല

# ഉപഭോക്താക്കൾ എ.ടി.എം, ഇന്റർ നെറ്റ് ബാങ്കിംഗ്, മൊബൈൽ ബാങ്കിംഗ് സേവനങ്ങൾ ഉപയോഗിക്കണം

എ.ടി​.എമ്മുകളി​ൽ

സാനി​റ്റൈസറുകളോ കൈ കഴുകുന്നതിനോ സംവിധാനങ്ങളോ ഇല്ല. എ.ടി.എമ്മിനു പുറത്തു നിർദ്ദേശങ്ങൾ പോലും എഴുതി വച്ചിട്ടില്ല.

സുരക്ഷാ ജീവനക്കാരുമില്ല.