കിഴക്കമ്പലം: കൊറോണ പ്രതിരോധത്തിൻ്റെ ഭാഗമായി നാടും, നഗരവും അണു വിമുക്തമാക്കാൻ ഫയർ ഫോഴ്സ് രംഗത്തിറങ്ങി. ആളുകൾ കൂടി നിൽക്കുന്ന പെരിങ്ങാല, മോറയ്ക്കാല, പള്ളിക്കര ഭാഗങ്ങളിലെ ബസ് സ്റ്റോപ്പുകൾ, കുരിശു പള്ളികൾ എന്നിവ അണുവിമുക്തലായനി ഒഴിച്ച ശേഷം പട്ടിമറ്റം ഫയർ ആൻഡ് റെസ്‌ക്യൂ സ്റ്റേഷൻ്റെ ജീവനക്കാർ കഴുകി വൃത്തിയാക്കി.സീനിയർ ഫയർ റെസ്‌ക്യൂ ഓഫീസർ ലൈജു തമ്പി, ഫയർ റെസ്‌ക്യൂ ഓഫീസർമാരായ ബിബിൻ എ. തങ്കപ്പൻ,എം.ബി ഷമീം , വി.കെ ബിനിൽ , ഹോം ഗാർഡ് കെ.സുനിൽകുമാർ എന്നിവരോടൊപ്പം കുന്നത്തുനാട് സർവീസ് സഹകരണ ബാങ്ക് പ്രസിഡൻ്റ് നിസാർ ഇബ്രാഹിം,സിവിൽ ഡിഫൻസ് അംഗങ്ങളും സന്നദ്ധസേവകരും പങ്കെടുത്തു.