കൊച്ചി: സപ്ലൈകോ ഇന്ന് മുതൽ ഓൺലൈൻ വഴി അവശ്യ ഭക്ഷ്യ സാധനങ്ങൾ വിതരണം ചെയ്യുന്നതിനു് തുടക്കം കുറിക്കുമെന്ന് സി.എം.ഡി പി.എം അലി അസ്ഗർ പാഷ അറിയിച്ചു. ഓൺലൈൻ ഭക്ഷ്യശൃംഖലയായ സൊമോറ്റോയുമായി ചേർന്നാണ് പദ്ധതി നടപ്പാക്കുന്നത് . തുടക്കത്തിൽ സപ്ലൈകോയുടെ ആസ്ഥാനമായ ഗാന്ധി നഗറിനു എട്ടുകിലോ മീറ്റർ പരിധിയിൽ ഭക്ഷണ സാധനങ്ങൾ എത്തിക്കും. തുടർന്ന് സംസ്ഥാനത്ത് 17 ഇടങ്ങളിൽ ഓൺലൈൻ സംവിധാനം ആരംഭിക്കും. ഓൺലൈൻ വഴി ഓർഡർ ചെയ്താൽ 40,50 മിനിറ്റിനകം ഭക്ഷ്യവസ്തുക്കൾ വീടുകളിൽ ലഭിക്കും. ഇപെയ്‌മെന്റാണ് നടത്തേണ്ടതെന്നും സി. എം.ഡി അറിയിച്ചു.