കോതമംഗലം: സംസ്ഥാന സർക്കാരിന്റെവിശപ്പ് രഹിതം പദ്ധതി കോതമംഗലംബ്ളോക്ക്പഞ്ചായത്തിൽ ആരംഭിച്ചു.സംസ്ഥാനത്ത് ഒരാൾ പോലും പട്ടിണി കിടക്കരുതെന്ന ലക്ഷ്യത്തോടെ സംസ്ഥാന സർക്കാർ ബഡ്ജറ്റിൽ പ്രഖ്യാപിച്ച വിശപ്പ് രഹിതം കേരള പദ്ധതിക്കാണ് തുടക്കം കുറിച്ചത്.ബ്ലോക്ക് പഞ്ചായത്തിന്റെ കാന്റി​നോടനുബന്ധിച്ചാണ് ഭക്ഷണശാലയുടെ പ്രവർത്തനം ആരംഭിച്ചത്. ആന്റണി ജോൺ എം.എൽ.എ, ബ്ലോക്ക് പഞ്ചായത്ത് പ്രസിഡന്റ് റഷീദ സലീം, ഒ.ഇ.അബ്ബാസ്, വിൻസൺ ഇല്ലിക്കൽ,എ വി രാജേഷ്, എബി അബ്രാഹം, എം.എൻ ശശി, കെ എച്ച് നാസർ, എം.എസ് സിദ്ധിഖ് എന്നിവർ പങ്കെടുത്തു.