ഏലൂർ: പാതാളം ഭാഗത്ത് അതിഥി തൊഴിലാളി ക്യാമ്പുകളിൽ നഗരസഭഅധി​കൃതർ പരി​ശോധന നടത്തി​. സെക്രട്ടറി സുഭാഷ് ,അസി. ലേബർ ഓഫീസർ ജോസി, ഹെൽത്ത് ഇൻസ്പക്ടർ പി.ആർ പ്രേംചന്ദ് ,പി എച്ച് സി യിലെ ഡോ: വിക്ടർ ജോസഫ്, ഹെൽത്ത് സ്റ്റാൻഡിംഗ് കമ്മിറ്റി മെമ്പർ ജോസഫ് ഷെറി എന്നിവരുടെ നേതൃത്വത്തിലായി​രുന്നു പരിശോധന .

വാടകയ്ക്ക് നൽക്കിയ വീടുകളിൽ ഒരു മുറിയിൽ ഏഴ് പേരെവരെ പാർപ്പിച്ചിട്ടുണ്ട് . ഒരാൾക്ക് 1000 രൂപ വീതം വാങ്ങുന്നുണ്ടെന്ന് തൊഴിലാളികൾ പറഞ്ഞു. 30 മുതൽ 70 പേർ വരെ താമസിപ്പിചിരിക്കുന്ന വീടുകളിൽ പ്രത്യേക നിരീക്ഷണം ഏർപ്പെടുത്തി.ശുചി മുറികളുടെ അപര്യാപ്തതശ്രദ്ധയി​ൽ പ്പെട്ടു. വൃത്തിഹീനമായ ശുചി മുറികൾ ശുചികരിക്കുവാനും നിർദ്ദേശിച്ചു.

വീടി​ന്റെ ഉടമകളെ അവിടേയ്ക്ക വിളിച്ചു വരുത്തി അടുത്ത രണ്ട് മാസം വാടക വാങ്ങരുതെന്ന് നി​ർദേശി​ച്ചു. ഒരു തൊഴിലാളിക്ക് 20 കിലോ അരിയും ആവശ്യത്തിന് പലവ്യഞ്ജനങ്ങളും പച്ചക്കറികളും ഏർപ്പാടാക്കി.

പാതാളം ഹൈസ്കൂളിന് സമീപത്തുള്ള കെട്ടിട ഉടമസ്ഥരോട് ഒരാൾ വീതം 20 കിലോ അരിയും പലചരക്കും ഏർപ്പാടാക്കണമെന്ന് വൈകുന്നേരം നഗരസഭസെക്രട്ടറി കർശനമായ നിർദ്ദേശിച്ചു, നൽകി​യി​ല്ലെങ്കി​ൽ നിയമപരമായി നടപടികൾ സ്വീകരിക്കും.

നഗരസഭ ജി എച്ച് ഐ മാരായ രശ്മി, ബിജി, ശ്രുതി പി.എച്ച് സി ജി എച്ച് ഐ മാരായ ഡിജി, ആൻറണി, ആശാമോൾ എന്നിവർ പരിശോധനയിൽ പങ്കെടുത്തു.

ഫോട്ടോ

ഏലൂരിൽ അതിഥി തൊഴിലാളി ക്യാമ്പുകളിൽ ഭക്ഷ്യക്ഷാമത്തിന് പരിഹാരമായി.