നെടുമ്പാശേരി: ആരോഗ്യ പ്രവർത്തകന് കൊറോണ സ്ഥിരീകരിച്ചതിനെ തുടർന്ന് 30 ഓളം പേർ നിരീക്ഷണത്തിലായി. കൊച്ചി രാജ്യാന്തര വിമാനത്താവളത്തിൽ കൊറോണ പരിശോധനയ്ക്ക് നിയോഗിച്ചിരുന്ന ഹെൽത്ത് ഇൻസ്‌പെക്ടർക്കാണ് ഇന്നലെ രോഗം സ്ഥിരീകരിച്ചത്.

ഇയാളെ മെഡി​ക്കൽ കോളേജി​ലെ ഐസൊലേഷൻ വാർഡിലാക്കി​. രണ്ട് ഷിഫ്റ്റുകളിലായി ഡോക്ടർമാർ അടക്കമുള്ള 60 അംഗ സംഘമാണ് വിമാനത്താവളത്തിൽ യാത്രക്കാരെ പരിശോധിച്ചിരുന്നത്. ഇദ്ദേഹത്തോടൊപ്പമുണ്ടായിരുന്നവരെയാണ് നി​രീക്ഷണത്തി​ലാക്കി​യത്. റൺവേ ജോലി​കൾ നടക്കുന്നതി​നാൽ രാത്രി മാത്രമായിരുന്നു വിമാനങ്ങൾ. രോഗം സ്ഥിരീകരിച്ച ഉദ്യോഗസ്ഥൻ രണ്ട് ദിവസം മാത്രമേ ഇവി​ടെ ഡ്യൂട്ടി​യി​ലുണ്ടായി​രുന്നുള്ളുവെന്നാണ് വിവരം. മറ്റു ദിവസങ്ങളിൽ ഇയാൾ എവിടെയെങ്കിലും യാത്ര ചെയ്തിരുന്നോയെന്നും കണ്ടെത്തേണ്ടി വരും.