കൊച്ചി: ജില്ലയിലെ ഒരു ആരോഗ്യ പ്രവർത്തകന് കൊറോണ സ്ഥിരീകരിച്ച സാഹചര്യത്തിൽ സമ്പർക്കത്തിൽ വന്ന 32 പേരെ നിരീക്ഷണത്തിലാക്കി. കൂടുതൽ പേരുടെ വിവരങ്ങൾ ശേഖരിച്ചിട്ടുണ്ട്. ഇതു സംബന്ധിച്ച്‌ ജില്ലാ സർവൈലൻസ് യൂണിറ്റ് യോഗം ചേർന്ന് സ്ഥിതിഗതികൾ വിലയിരുത്തി. ഇതിൻ്റെ അടിസ്ഥാനത്തിൽ ചെറിയ തോതിലെങ്കിലും രോഗവ്യാപന സാധ്യത ഉള്ളവർ ഉൾപ്പെടെ 32 പേർ നിരീക്ഷണത്തിലാണ്. പ്രാഥമികാരോഗ്യ കേന്ദ്രത്തിൻ്റെ പ്രവർത്തനങ്ങൾക്ക് തടസ്സമില്ല. ആശുപത്രി പ്രവർത്തനങ്ങളിൽ ജനങ്ങൾ ആശങ്ക പറഞ്ഞതിനാൽ നിരീക്ഷണത്തിലുള്ള 9 ആരോഗ്യ പ്രവർത്തകരെ രോഗലക്ഷണങ്ങൾ ഇല്ലെങ്കിലും പരിശോധിക്കാൻ തീരുമാനിച്ചു. കൊച്ചി തുറമുഖത്തെത്തിയ 2 കപ്പലുകളിലെ 50 ക്രൂ അംഗങ്ങളെ പരിശോധിച്ചതിൽ ആർക്കും രോഗലക്ഷണങ്ങൾ കണ്ടെത്തിയിട്ടില്ല