അങ്കമാലി: നഗരസഭാ പരിധിയിൽ തെരുവോരത്ത് അലഞ്ഞ് നടന്നിരുന്ന അമ്പതിലേറെപ്പേരെ പ്രൈവറ്റ് ബസ് സ്റ്റാൻഡിൽ പ്രവർത്തിക്കുന്ന എസ്.എം.ഇ കോളേജിൽ പുനരധിവസിപ്പിച്ചു. നഗരസഭാ പരിധിയിൽ 150 ഓളം ക്യാമ്പുകളിൽ താമസിക്കുന്ന നാലായിരത്തോളം അന്യസംസ്ഥാന തൊഴിലാളികളെ നഗരസഭാ സെക്രട്ടറി
ബീന എസ് കുമാറിന്റെ നേതൃത്വത്തിൽ സന്ദർശിച്ച് കെട്ടിട ഉടമകളെയും കരാറുകാരെയും കണ്ടെത്തി ചർച്ച നടത്തി ഭക്ഷണവും കുടിവെള്ളവും ഉറപ്പുവരുത്തി.

നഗരസഭ കിച്ചണിൽ നിന്ന് 20 രൂപാനിരക്കിൽ ഭക്ഷണം ലഭ്യമാണ്. 25 രൂപക്ക് ആവശ്യക്കാർക്ക് എത്തിച്ച് നൽകുമെന്നും ചെയർപേഴ്‌സൺ എം.എ.ഗ്രേസിയും സെക്രട്ടറി ബീന .എസ് .കുമാറും അറിയിച്ചു.
ഉച്ചയ്ക്കും വൈകുന്നേരവുമായി 620 പേർക്കാണ് ഇപ്പോൾ സൗജന്യ ഭക്ഷണം നൽകിവരുന്നത്.