തൊടുപുഴ: നാഷ്ണൽ അക്രഡിറ്റേഷൻ ആൻഡ് അസസ്‌മെന്റ് കൗൺസിൽ (നാക്) സഹായത്തോടുകൂടി ന്യൂതനബോധനശാസ്ത്ര രീതികളും വിദ്യാർഥി പങ്കാളിത്തവും എന്ന വിഷയത്തിൽ ന്യൂമാൻകോളജ് ഐ ക്യൂ എ സി നടത്തുന്ന ദ്വിദിനദേശീയ സെമിനാർ മാർച്ച് 4, 5 തിയതികളിൽ നടക്കും. നാക് ബംഗളൂരു പ്രാദേശികകേന്ദ്രം ഡെപ്യൂട്ടി അഡൈ്വസർഡോ.ദേവേദ്ര കൗഡേ സെമിനാർ ഉദ്ഘാടനം ചെയ്യും. ഉച്ച കഴിഞ്ഞ് എസ് .ജാസിമുദ്ദീൻ ഡിജിറ്റൽ സങ്കേതങ്ങളും വിവര സമാഹരണ രീതികളും എന്ന വിഷയതത്തിൽ പ്രബന്ധാവതരണം നടത്തും. രണ്ടാം ദിവസം രാവിലെ ഡോ. തരാലി കലിത ജീവശാസ്ത്ര അദ്ധ്യായനം: ന്യൂതന രീതികൾ എന്ന വിഷയത്തിൽ പ്രഭാഷണം നടത്തും. തുടർന്ന് യുജിസി കൽച്ചറൽ എക്‌സ്‌ചേഞ്ച് പരിപാടിയുടെ ഭാഗമായി അവർ അസമീസ് ക്ലാസിക്കൽ നൃത്തമായ സാത്രിയ അവതരിപ്പിക്കും. സമാപന സമ്മേളനം ഡോ. ജിജി ജെ അലക്‌സ് ഉദ്ഘാടനം ചെയ്യും. അദ്ധ്യാപകരും ഗവേഷണ വിദ്യാർഥികളുമായി നാൽപ്പതോളം പ്രബന്ധങ്ങൾ സെമിനാറിൽ അവതരിപ്പിക്കുമെന്ന് പ്രിൻസിപ്പൽഡോ.തോംസൺജോസഫും ഐ ക്യൂ എ സികോർഡിനേറ്റർ ഡെ. ബിജിമോൾതോമസും അറിയിച്ചു.