ഇടുക്കി:ജില്ലയിലെ വിവിധ സർക്കാർ ആയുർവ്വേദ സ്ഥാപനങ്ങളിൽ ഒഴിവുള്ള ആയുർവ്വേദ ഫാർമസിസ്റ്റ് തസ്തിയിൽ ദിവസവേതനാടിസ്ഥാനത്തിൽ താൽക്കാലിക നിയമനം നടത്തുന്നതിന് 13 രാവിലെ 10.30ന് ജില്ലാ മെഡിക്കൽ ഓഫീസിൽ (ആയുർവ്വേദം) ഇന്റർവ്യൂ നടത്തും. കേരള സർക്കാർ അംഗീകരിച്ചിട്ടുള്ള ഒരു വർഷ ആയുർവ്വേദ ഫാർമസിസ്റ്റ് ട്രയിനിംഗ് കോഴ്‌സ് പൂർത്തിയാക്കിയവർക്ക് വിദ്യാഭ്യാസ യോഗ്യത, പ്രായം, ജാതി, മതം, പ്രവൃത്തിപരിചയം എന്നിവ തെളിയിക്കുന്നതിനുള്ള അസ്സൽ രേഖകളും ആധാർ കാർഡും സഹിതം പൈനാവ് കുയിലിമല സിവിൽ സ്റ്റേഷനിലുള്ള ഭാരതീയ ചികിത്സാ വകുപ്പ് ജില്ലാ മെഡിക്കൽ ഓഫീസിൽ ഇന്റർവ്യൂവിന് പങ്കെടുക്കാം. കൂടുതൽ വിവരങ്ങൾക്ക് ഫോൺ 04862 232318.