അടിമാലി : ജില്ലാ എംപ്ലോയ്‌മെന്റ് എക്‌സ്‌ചേഞ്ചിന്റെ നേതൃത്വത്തിൽ അടിമാലിയിൽ പട്ടിക വർഗ്ഗ യുവതി യുവാക്കൾക്കായുള്ള ബോധവൽക്കരണ പരിപാടിയും ക്യാമ്പ് രജിസ്‌ട്രേഷനും സംഘടിപ്പിച്ചു. തൊഴിൽ സംബന്ധമായ ആവശ്യങ്ങൾക്കായി ഇനിയും എംപ്ലോയ്‌മെന്റ് എക്‌സ്‌ചേഞ്ചുകളിൽ പേര് രജിസ്റ്റർ ചെയ്യാത്ത പട്ടിക വർഗ്ഗ യുവതി യുവാക്കളെ കണ്ടെത്തുന്നതിനും ബോധവൽക്കരണം നടത്തുന്നതിനുമായിട്ടായിരുന്നു ജില്ലാ എംപ്ലോയ്‌മെന്റ് എക്‌സ്‌ചേഞ്ചിന്റെ നേതൃത്വത്തിൽ അടിമാലിയിൽ പട്ടിക വർഗ്ഗ യുവതി യുവാക്കൾക്കായുള്ള ബോധവൽക്കരണ പരിപാടിയും ക്യാമ്പ് രജിസ്‌ട്രേഷനും സംഘടിപ്പിച്ചത്.അടിമാലി പഞ്ചായത്ത് പ്രസിഡന്റ് ദീപാ രാജീവ് പരിപാടി ഉദ്ഘാടനം ചെയ്തു. ജില്ലാ എംപ്ലോയിമെന്റോഫീസർ ബിന്ദു കെ എസ്, എപ്ലോയ്‌മെന്റ് ഓഫീസർ സുനന്ദ,അടിമാലി ട്രൈബൽ ഓഫീസർ ഗിരീഷ് കുമാർ, ജൂനിയർ എംപ്ലോയിമെന്റ് ഓഫീസർ ജിനോയി ജെ ദാസ് തുടങ്ങിയവർ പരിപാടിയിൽ പങ്കെടുത്തു.