മുട്ടം: കൊറോണ വൈറസ് ജാഗ്രതയുടെ ഭാഗമായി മുട്ടം ജില്ലാ ജയിലിൽ സന്ദർശകർക്ക് നിയന്ത്രണം ഏർപ്പെടുത്തിയതായി ജയിൽ അധികൃതർ അറിയിച്ചു. ജയിൽ ഡി.ജി.പിയുടെ നിർദ്ദേശപ്രകാരമാണ് നിയന്ത്രണം. ബന്ധുമിത്രാദികൾ ജയിൽ സന്ദർശനം പരമാവധി ഒഴിവാക്കാൻ ആവശ്യമായ മാർഗ നിർദ്ദേശങ്ങൾ നൽകൽ, പുതിയതായി എത്തുന്ന അന്തേവാസികളെ നിരീക്ഷിക്കുന്നതിന് പ്രത്യേക സെൽ എന്നിങ്ങനെയാണ് സ്വീകരിച്ചിരിക്കുന്ന നടപടികൾ. അന്തേവാസികൾക്കായി രക്തം, ഷുഗർ, പ്രഷർ പരിശോധനയും ആരോഗ്യ - ശുചിത്വ ബോധവത്കരണ ക്യാമ്പും മുട്ടം സാമൂഹ്യ ആരോഗ്യ കേന്ദ്രത്തിന്റെ സഹകരണത്തോടെ നടത്തും.