തൊടുപുഴ: ജെ.സി.ഐ അരിക്കുഴ ചാപ്റ്ററിന്റെ ആഭിമുഖ്യത്തിൽ രാജ്യത്ത് നിർമ്മിക്കപ്പെട്ടിട്ടുള്ളതിൽ വച്ച് ഏറ്റവും ചെറിയ ചർക്കയുടെ പ്രദർശനം ഇടുക്കി പ്രസ് ക്ലബ്ബ് ഹാളിൽ നടന്നു. ഡീൻ കുര്യാക്കോസ് എം.പി ഉദ്ഘാടനം നിർവഹിച്ചു. വഴിത്തല സ്വദേശിയും ജെ.സി.ഐ അംഗവുമായ ബിജു നാരായണനാണ് ചർക്ക നിർമ്മിച്ചത്. ജെ.സി.ഐ പ്രസിഡന്റ് ബാബു പള്ളിപ്പാട്ട്, മാർച്ചന്റ്സ് അസോസിയേഷൻ പ്രസിഡന്റ് ടി.സി. രാജു തരണിയിൽ, ബിജു ആലപ്പാട്ട് എന്നിവർ പങ്കെടുത്തു. ലിംക ബുക്ക് ഒഫ് റിക്കോർഡ്സിലും ഗിന്നസ് ബുക്കിലും ചർക്ക ഉൾപ്പെടുത്തുന്നതിലേക്കാണ് പ്രദർശനം സംഘടിപ്പിച്ചത്.